泰.夯蝦 (堅拿道西) (Closed)

今日同幾個好友去左銅鑼灣食飯。聽聞自己夾蝦自己燒好正。朋友負責訂位，準時去到即時開爐，店員教路夾隻蝦放入冰水凍一分鐘左右凍暈再剪蝦腳等等去燒。少少tips係上排燒蝦以同一方向燒，當熟就反轉。下排燒其他增加燒爐效率。蝦肉鮮味好味道，蝦膏香口，肉質良好。在個河咁去夾蝦又係幾好feel。除左蝦都好多海鮮可以食，沙白真心正，冇沙香甜。其他海鮮質素都不俗。燒魷魚同樣味道口感佳。鮑魚都新鮮彈牙整燒係爽口彈牙有鮮味。肉櫃都有唔同類型任君選擇，今手我推介大家食雞翼同豬腩肉，肉質好入味好正。熟食都有一堆，而我食左咖哩蟹肉質好，味道得。野飲都多選擇，我班大帝朋友要飲啤酒，都好多選擇，我就愛象啤同tiger。甜品櫃中我選了海鹽及朱古力味。味道不俗口感都係正。提一提服務態度都幾好，有教路點燒多一點又有交流。