唐坊火鍋私房菜

今日又去左油麻地揾食啦，朋友話有間bookmark左嘅餐廳想試下，襯住佢生日即刻一齊去食下啦！唐坊係譽發廣場最高嗰層，個景真係好靚喎。 我地叫左個2人套餐。呢個餐包左一個刺生拼盤，厚切又新鮮，讚！湯底要左煲東瓜瑤柱美腿煱，湯底好足料，待應仲叫我地食之前飲下個湯先。果然係清甜又冇味精，好好味。2人海鮮盤，有蝦，帶子，鮑魚，蜆同埋鱔，驚喜，個海鮮盤好新鮮，隻蝦好彈牙，鮑魚都好好食。橡果豬，豬肉冇騷味，而且好有咬口，唔係普通街市貨。韭菜餃及蟹肉餃，餃子好實正，我覺得口感非常好。田園雜菜籃，好多款菜，啱晒鍾意食菜嘅我。手打烏冬，仲有2杯椰子水。椰子水打邊爐真係好配，清熱又解渴。最後餐廳仲有2碗椰子煲雪燕比我地，非常滋潤，啱晒呢個乾燥天氣。