Video
Read full review
2021-09-15
29 views
餐廳裝修充滿日本風情🎏，而且每日都有日本飛機✈️空運來港，確保魚生同刺身都係即日嘅新鮮貨，就算去唔到日本旅行都可以食返鄉下嘅風味🇯🇵！除咗一定要試嘅刺身之外，今次仲食咗一個御膳套餐同埋一個晚市定食，睇相都見到份量幾夠呀！🍱松 御膳 $358御膳套餐包括一份最基本嘅三色刺身，三文魚油脂豐富得嚟有陣獨特嘅香味，鮮蝦口感絲滑又帶點甜味，但係最為驚豔嘅莫過於係帆立貝，味道唔會好似啲廉價壽司舖咁好腥，反而食得出佢嘅鮮甜，就連平時唔食帆立貝刺身嘅男朋友都覺得好食！炸物方面有份大大隻嘅吉列蠔🦪，金黃色嘅表面包裹住肉質厚實嘅蠔肉，亦都唔會食到成口炸粉。套餐有一碗迷你火炙鰻魚飯，鰻魚厚肉有咬口，最特別嘅係個味道同出面其他日式鰻魚飯有少少分別。問過老闆先知佢哋嘅鰻魚汁唔係買市面上現成嘅鰻魚濃縮液，而係每朝早廚師👨🏻🍳即日製作，加入特別食材熬煮，絕對係出面食唔到嘅味道！日本定食不可或缺嘅麵豉湯同樣係店家誠意之作，老闆特別透露係加入咗🥓煙肉碎嚟吊出食材鮮味，難怪特別足料。成個套餐最最最重點嘅菜式一定係呢個汁燒銀鱈魚🤩，份量大大份。表面燒得好香，燒到帶有少少燶邊，但係入面又非常嫩滑，超越一般魚肉嘅口感。加上店家
🍱松 御膳 $358
御膳套餐包括一份最基本嘅三色刺身，三文魚油脂豐富得嚟有陣獨特嘅香味，鮮蝦口感絲滑又帶點甜味，但係最為驚豔嘅莫過於係帆立貝，味道唔會好似啲廉價壽司舖咁好腥，反而食得出佢嘅鮮甜，就連平時唔食帆立貝刺身嘅男朋友都覺得好食！
炸物方面有份大大隻嘅吉列蠔🦪，金黃色嘅表面包裹住肉質厚實嘅蠔肉，亦都唔會食到成口炸粉。
套餐有一碗迷你火炙鰻魚飯，鰻魚厚肉有咬口，最特別嘅係個味道同出面其他日式鰻魚飯有少少分別。問過老闆先知佢哋嘅鰻魚汁唔係買市面上現成嘅鰻魚濃縮液，而係每朝早廚師👨🏻🍳即日製作，加入特別食材熬煮，絕對係出面食唔到嘅味道！
日本定食不可或缺嘅麵豉湯同樣係店家誠意之作，老闆特別透露係加入咗🥓煙肉碎嚟吊出食材鮮味，難怪特別足料。
成個套餐最最最重點嘅菜式一定係呢個汁燒銀鱈魚🤩，份量大大份。表面燒得好香，燒到帶有少少燶邊，但係入面又非常嫩滑，超越一般魚肉嘅口感。加上店家唔係用一般嘅美乃滋醬，而係特登加入醬油調味過，個醬汁完全係將銀鱈魚昇華去另一個層次，超正👍🏻👍🏻！
👅評分：9/10
🐟池魚皇刺身 $168/5切
店內有塊板列出當日有提供嘅新鮮刺身，我哋又點可以錯過新鮮嘅飛機貨🛩？池魚皇刺身超級厚肉，肉質爽口，油脂豐富但係又唔會膩，食完感覺到魚香味慢慢由喉嚨回甘出嚟，但係又一啲都唔腥，魚生愛好者必試😍！
👅評分：9/10
🍚鍋燒熊本牛柳粒目玉飯 $168
牛柳粒飯用石頭鍋🪨裝住，熱辣辣咁送上嚟，真係好吸引！督爆粒溫泉蛋🥚，蛋汁撈飯已經夠正。而且送上嚟仲係半熟嘅牛柳粒咬落好juicy，來自熊本嘅牛柳粒牛味亦都好重，成個飯都香噴噴。千其唔好睇少個飯，佢嘅份量大到我哋兩個人都食唔曬呀，所以細食嘅朋友就要留意啦！
👅評分：8/10
Post
