千海水產海鮮火鍋放題

Open Now

Now Closed

近排見好多人推介香港新開嘅一餐火鍋放題店。有咩咁特別？就係佢地有自助海鮮撈區，所有海鮮都新鮮生猛，仲會不停補貨任撈任煮，相當吸引😍😍😍餐廳太受歡迎嘅關係，日日都座無虛席，我地好好彩book到晚巿早段5:30，去到已經就快坐滿。一坐低趕緊選一個湯底，我地揀左蟹黃海鮮湯，鮮甜嘅湯底襯番我地準備食嘅海鮮😚之後就即刻去自助海鮮區撈海鮮啦！你見到嘅全部都任撈任食，有鮑魚，蟹，蝦，同幾款貝類！你撈完之後仲會有專人幫你清洗乾淨，幾分鐘後就可以拎番位啦！新鮮嘅海產真係鮮味十足，令到個湯底非常之鮮甜，食完幾round海鮮再叫下肉類同自助吧拎丸類等等，2個鐘頭真係唔夠食🙈 已經諗緊下次幾時再回訪啦！