Video
Read full review
2022-12-15
58 views
天氣開始凍，朋友話新發現咗間好食火鍋，去到我發現原來係改咗名叫方叔叔嘅渝味曉宇😂🪑環境企理乾淨，張枱夠大，叫多幾碟都唔怕無位擺，員工有禮貌，會介紹菜色。☎️平日夜晚都滿座，建議預早訂位。🥘鴛鴦麻辣鍋辣湯叫咗普通辣，我呢啲唔太食辣嘅都覺得易入口，唔會俾辣椒搶曬食材嘅味道。🥚另一半叫咗皮蛋香茜鍋，都幾多皮蛋，茜味唔會太重，清清爽爽。🌱霞浦海帶苗(半份）因為未試過所以試吓，係有少少海洋味道，但唔腥亦無沙的嫩海帶，都幾好食。🫘現炸豆皮(半份）我一向係響鈴fans，呢個現炸豆皮我覺得仲好食過響鈴！因為響鈴太厚，好多餐廳炸唔脆，但呢塊豆皮夠薄，一定脆，一浸落湯就要拎起，咁就半軟半脆好好味🤤🐮潮汕手打牛筋丸（半份）呢個十分推薦，勁爽彈！用筷子拮落去佢即刻逃走！好彩餐廳有送圍裙，如果唔係我又有藉口買新衫😂🐂美國Prime牛小排(半份）有牛味，軟硬適中，唔會太肥膩。🐟鮮龍躉片（半份）好厚肉😳完全唔腥，有魚味。🐠鰻魚(白鱔X半份）肥美軟滑，無骨。🥬油麥菜(半份）正常，洗得乾淨。🌽炸芋頭/甜玉米/鮮竹笙正常，新鮮，芋頭幾粉。🍨紅糖冰粉打完熱辣辣嘅邊爐，食番一碗涼浸浸嘅冰粉都幾爽！調味係淡淡嘅甜，仲有葡萄乾、果
🪑環境
企理乾淨，張枱夠大，叫多幾碟都唔怕無位擺，員工有禮貌，會介紹菜色。
☎️平日夜晚都滿座，建議預早訂位。
🥘鴛鴦麻辣鍋
辣湯叫咗普通辣，我呢啲唔太食辣嘅都覺得易入口，唔會俾辣椒搶曬食材嘅味道。
🥚另一半叫咗皮蛋香茜鍋，都幾多皮蛋，茜味唔會太重，清清爽爽。
🌱霞浦海帶苗(半份）
因為未試過所以試吓，係有少少海洋味道，但唔腥亦無沙的嫩海帶，都幾好食。
🫘現炸豆皮(半份）
我一向係響鈴fans，呢個現炸豆皮我覺得仲好食過響鈴！因為響鈴太厚，好多餐廳炸唔脆，但呢塊豆皮夠薄，一定脆，一浸落湯就要拎起，咁就半軟半脆好好味🤤
🐮潮汕手打牛筋丸（半份）
呢個十分推薦，勁爽彈！用筷子拮落去佢即刻逃走！好彩餐廳有送圍裙，如果唔係我又有藉口買新衫😂
🐂美國Prime牛小排(半份）
有牛味，軟硬適中，唔會太肥膩。
🐟鮮龍躉片（半份）
好厚肉😳完全唔腥，有魚味。
🐠鰻魚(白鱔X半份）
肥美軟滑，無骨。
🥬油麥菜(半份）
正常，洗得乾淨。
🌽炸芋頭/甜玉米/鮮竹笙
正常，新鮮，芋頭幾粉。
🍨紅糖冰粉
打完熱辣辣嘅邊爐，食番一碗涼浸浸嘅冰粉都幾爽！調味係淡淡嘅甜，仲有葡萄乾、果仁增加香味+口感，好食。
🍬紅糖糍粑
煙煙韌韌，淡淡甜味，暖暖地，幾有特色。
總括而言，材料新鮮高質，環境寬敞舒適，係三五知己聚會好地方。
📍 方叔叔重慶老火鍋 (如心廣場) (荃灣)
荃灣楊屋道8號如心廣場一期3樓305號舖
Post
