東京築地拉麵 (Closed)

今晚約咗朋友食飯，近近地就喺旺角一個極度方便嘅餐廳食日本拉麵，佢哋旺角地鐵站唔夠2分鐘路程，其實真係好方便大家，由其收工都已經7:00,講緊聽朝仲要返工.(生活迫人啊)好，講返啲嘢食先.濃口雞白湯拉麵講真，個湯底真係好濃厚，作為一個女仔，三片肉加埋拉麵其實份量啱啱好。但係我對面咪男士就可能未必夠飽~ 不過味道的確唔錯，拉麵有得叫佢調整軟硬度, 就返自己嘅口味. 個雞肉好滑， 不錯。日式滑蛋吉列豚肉丼肉類嘅份量呢個就真係多咗好多啦,不過吉列嘅部份呢可以再激烈啲! 即係脆多少少,我本人就鍾意食啲脆口啲嘅嘢! 份量都幾大份，醬汁比較少， 啱返我個朋友口味，佢最討厭就係啲汁浸住啲飯。 飲品方面，我哋叫咗兩杯梳打水, 其實我本身都想試吓提子梳打冰，不過佢個梅子冰有啲特別，喺其他地方都少見，所以我就試吓.我會話提子冰嘅口味係適合大眾, 特別係小朋友，嗰陣典型嘅提子味，其實真係好好味！梅子冰酸酸甜甜嘅嘢比較開胃~