家上海 (形點 I)

Open Now

Now Closed

係元朗嘅上海舖頭唔多，要好食ge唔多而且要就腳更加唔會多，而元朗呢間家上海，我就覺得正正有齊以上嘅優點😂元朗分店加上海係喺元朗Yoho一期，喺元朗西鐵站行過去好近，大約五至10分鐘就到！平日呢間餐廳都好多人排隊，可見佢食物都唔算太差。甘今日我就叫左熏魚、麻香雞絲粉皮、小籠包、一碗酸辣湯、半分濃湯砂鍋雲吞雞、密棧火方響鈴夾同埋薺菜肉絲炒年糕。個人覺得熏魚同埋雞絲粉皮就做得麻麻地，熏魚個汁做得唔錯不過魚就做得比較大件唔夠薄，粉皮就攞得太多芝麻醬，食落口感麻麻地！不過至於其他食物就做得幾好，例如酸辣湯酸度同辣度適中唔會太辣，雲吞雞個湯煮得好味加埋雲吞一齊食非常夾！火方響鈴夾食落脆口而且甜甜地幾好味😋至於個炒年糕又唔會太油又唔會太過鹹。總括間餐廳方便就腳，食物質素還可以，不過價錢就略為貴左小小，間唔間中食都係一間唔錯嘅選擇！