長沙滿哥

Open Now

Now Closed

地鐵A2出口轉左手即到升降機入口，非常方便👍，當天大概12點半到達，有特惠套餐供應，時間由中午12：00 - 14：30，套餐包咗白飯及盒裝菊花茶。套餐價錢由$48至$68，都幾抵食，當然要叫嚟試下喇😆。🥢孜然牛肉套餐$68牛肉爽口彈牙，牛肉味都幾濃，份量都唔少，仲有啲蒜心粒粒炒埋一齊，辣味比孜然味較重，整體都幾惹味。🥢有機花菜套餐$48花菜炒得爽口惹味，就算無肉都非常好下飯。以呢個價錢可以响香港食到湘菜確實好抵👍。另外都有單點小炒、涼菜及串燒，我哋都試咗幾款菜式，包括有👇：🥢口水雞$98雞肉配上香香辣辣嘅口水汁，確實令人流哂口水嘅配搭。🥢雞汁筍絲$98湯汁非常濃郁呈現奶黃色，並帶着濃郁嘅筍香味，筍絲切到非常之幼細方便咀嚼，爽口無渣。🥢長沙臭豆腐$108豆腐帶有獨特嘅香味，豆味亦香濃，外香脆內有質感，沾上酸酸辣辣嘅醬汁，更具風味。茗茶每位$10餐廳設有有特色卡檯， 私隱度高。