M3 Italian (Closed)

M3 不嬲好出名，皆因附近都冇似樣既西餐廳，而佢既水準就算轉戰尖沙咀銅鑼灣都唔失禮。今次二人晚餐都係叫左少少野食，一個前菜蜜瓜Parma ham, 一個carbonara 意粉同一個西班牙乳豬。 火腿係好食既，油脂豐富又有少少橡實味，意粉就普通左少少，加溫泉蛋無疑令個麵更濕潤，易入口，不過就沖淡左個羊奶芝士味，carbonara 都係稍為杰身，濃郁d好食d。重點都係個西班牙乳豬真係皮脆肉嫩，配料有薯蓉、酸菜、同肉汁，酸菜解膩而薯蓉又豐富到個口感，乳豬肉配肉汁又好食又減低左個鹹度，搞到我每次黎食都係必叫，真心做得好食。