華欣泰國菜館 (Closed)

兩個家庭係北角staycation ，夜晚離開酒店出去搵食。途經呢間華欣泰國菜，諗起早兩年我哋兩家人一齊遊華欣。所以二話不說，就入去試吓菜。小小的店舖，內只有幾張枱。泰式海南雞，皮薄肉嫩，我哋叫了一隻，分兩碟上。泰式生菜包，都幾辣。柚子沙律，好好味，必叫，分量仲係我食過咁多間泰國菜館中最大的。金沙蝦球，好多鹹蛋黃，好邪惡，食到唔停得口。香茅鹽燒烏頭，靈魂在於個泰式醬汁。呢餐飯食得很開心，好滿足。店員也很友善。我哋食下傾吓又講吓係華欣旅行時的趣事。快樂的時光亦都過得好快。一間平民化又美味的泰式餐館，隔一排一定再返嚟幫襯。