自助山

Open Now

Now Closed

疫情前 食過lunch + dinner buffet 都好滿意，知道疫情到而家 食物質素同選擇已經冇以前咁好，我有心理準備 ok 能夠接受到。但而家服務質素差到一個點。以前食過，轉緊嘅時候你都唔覺得佢轉，要望出窗外個環境變咗先知道轉左一個圈。依家轉數分鐘，每到一個台位 係明顯強烈感到震動，震到枱上裝飾搖擺，你個人係會跟住左右搖擺一下，同台 長輩感到有點暈同反胃。食第一round 已經覺得有問題，搵咗一個同事了解。 佢嘅回覆直接如下「機件老化係咁㗎啦，疫情我哋訂唔到零件呀，冇辦法㗎啦，係咁㗎啦，咁你想點呀」我覆佢：「依家唔係我想點，係你地餐廳幫到我啲咩，你依家係咪叫我 忍耐咁食埋餐飯呀」跟住佢supervisor 過嚟解釋，有禮貌，建議我地唔好望住窗外食會好d. Ok. 轉身望返內圍食的確冇咁暈。食物選擇的確冇從前咁多，大路款式，雖仍保持到五星酒店質素。但呢個價錢，旋轉到你每一下都feel 到，去了解情況就俾職員 「極度惡劣態度」回覆，就算其他職員正常，都完全影響客人體驗。我唔會再去， 同完全唔值囉。