韓脈 (帝國中心)

Open Now

Now Closed

一直心心念念想食醬油蟹，今次終於第一次嚟到呢一間韓國人開嘅店舖食醬油蟹！當然仲有食其他嘅菜式！呢一間嘅醬油蟹味道唔算好濃，淡淡嘅醬油味，蟹都有好多蟹膏！味道唔錯，會有少少腥味，但係接受到嘅！佢配嘅飯係紫菜生蛋飯，本身個飯已經好夠味，加埋少少蟹肉食，終於知道點解咁多人鍾意食！另外叫咗旋轉自抄五花肉套餐，幾特別！套餐入邊包埋飯同埋豆腐鍋，好足料！我自己特別鍾意食佢嘅辣豆腐鍋，已炒完五花肉之後再炒個飯，超夠味！