C2 Lab

Open Now

Now Closed

尋日係深水埗買完野，等巴士時無意中見到呢間餐廳好似幾靚咁，決定今日放工去試下。7點半，餐廳入面都已經有幾檯客，裝修都幾靚，但因為隔離有人，就冇影到環境，但真心唔錯，坐得好舒服。店員介紹叫一個主食，可以加$88可以揀一款前菜同揀一個湯。餐湯⭐️牛尾湯餐湯有兩款可選，一款係牛尾湯，另一款係黑松露忌廉湯。牛尾湯係出面西餐廳真係好少見，緊係揀牛尾湯啦。上檯已經聞到湯既香味，飲落牛味好重，亦都唔會太油。前菜⭐️香蒜炒菠菜闊墨魚（唔記得左個全名）我見識少，咁長既墨魚真係第一次見🤣食落好爽口，加大用蒜炒，味道非常香口。主菜⭐️大啡菇黑松露意大利飯（$118）上檯時黑松露已經香氣撲鼻，食落乾濕度啱啱好，平時出面嗰d意大利飯食落都好漏，呢到唔會，而且一人份量啱啱好呀。總括嚟講，呢間野真係唔錯，無論環境定價錢定食物質素，下次可以約朋友黎試下。