C2 Lab

Open Now

Now Closed

平時只有睇食評今次忍唔住寫食評話說個帶眼鏡肥大叔落單時已經無乜禮貌，我要求餐飲同食物一齊上，但食完個飯都未有，於是問一問佢佢就好悔氣話整緊隔咗一分鐘之後佢又專登態度勁差地走埋嚟講，全世界都12點幾黎食lunch我地只得一部咖啡機重點係我半小時前落的單，你好明顯漏單，重要鬧個客，有無搞錯食物又極咸，一個午餐差不多$200，重點係態度極度惡劣大家千萬不要中伏

餐廳喺福榮街，深水埗地鐵站行幾分鐘就到，估唔到深水埗區都食到咁高質嘅餐廳，價錢好合理，食物質素媲美好多高級餐廳。餐廳環境好舒服，座位都坐得舒服，同朋友慢慢傾就最啱。餐牌有好多唔同嘅主菜選擇，仲可以加錢，升級試埋前菜同湯😍😍前菜：黑松露帆立貝帆立貝好大粒，而且好新鮮，一啲雪味都冇，咬開好Juicy，配埋黑松露同秘製醬汁，一啖食晒落肚，層次分明，開胃又好味主菜：油封鴨伴希臘乳酪加薯蓉油封鴨份量大，而且處理得好好，外皮煎得鬆脆，但唔會太油膩，特色係伴碟嘅希臘乳酪醬，少少甜，好香乳酪味，點埋個油封鴨食，解咗好多油膩，薯蓉都好好味😋

C2 Lab不論是食材搭配還是調味，都展現了對佳餚的極力追求，細膩的服務更讓人賓至如歸，是親朋聚餐的理想選擇，其中讓朋友印象最深刻的便是油封鴨脾配杏脯乳酪汁，完美詮釋了法國菜的精髓。此外，C2 Lab以及靈活多樣的套餐選擇，給每位客人以實惠的價格享受食物的魅力。開場的法式香煎鵝肝配柚子珍珠驚艷無比，法式香煎鵝肝超級肥厚，處理得沒話說，表面焦脆裡軟滑，配上柚子珍珠可以直接中和法式香煎鵝肝的膩感，柚子珍珠在嘴裡爆開的酸香，像一首交響樂，新鮮的沙律中加了柑橘，調以清爽的黑醋，這對吃法式香煎鵝肝有一個均衡的效果。送上來時原本看似平凡無奇的一碗牛尾湯，沒想到匙羹撈起的瞬間，滿滿的湯料完全沒在跟我客氣，入口時濃郁香醇的湯頭立刻擄獲的我的味蕾，細細品嚐的同時，可以嚐到牛尾的鮮味，雜菜與牛尾一直是好拍檔，牛尾肉不卡牙，軟嫩度適中。通常餐湯都會附上餐前麵包，雖然只是個餐包，卻是個非常重要的細節，餐包好壞會影響到整體用餐的感受，C2 Lab的餐包烘烤時間恰到好處，咬下時外酥內軟，藜麥經過香烤後，香味飄散了整個空間，塗上牛油，更將餐包味道向上提升一個層次。油封鴨脾配杏脯乳酪汁的特色在於其極脆的外皮，經過精心

朋友介紹深水埗一間高質西餐廳叫C2 Lab，是晚就訂左枱來試試，門口有個大大的Ironman，地點易搵。主菜加$88有前菜，或加$108就有餐湯+前菜，價錢蠻合理的😋⭐法式香煎鵝肝配柚子珍珠點了有名的煎鵝肝，入口即化油脂甘香，再試試連柚子珍珠一齊食，爆口感覺得意，多左份酸酸甜甜嘅味道更有層次，同時亦有去膩效果，正喎！旁邊的菜沙律都好好食，醬汁有陣芥茉味好對胃。⭐牛尾湯接著有牛尾湯，牛尾已煲到軟腍，湯頭有著濃郁的雜菜香同牛味，鮮味好飲。旁邊的黑芝麻小餐包有烘熱過的，配點牛油簡單又好味😋⭐燒大啡菇牛肝菌意大利飯意大利飯煮得軟硬適中，醬汁香口，重芝士味正喎。⭐燒西班牙橡果黑毛豬最後係主角上場～橡果黑毛豬，黑毛豬扒厚切，入口甘香有嚼勁，又鮮又嫩勁好味，欲罷不能呢🤤⭐香濃榛子朱古力煙燻杯後加了份甜品，加了煙燻效果啱晒打卡😆拍左條短片留念😆榛子朱古力好香甜，兩個人分食啱啱好。小店只有二十多個位，記得先訂坐啦。

♨️C2 Lab Bar & Restaurant 深水埗福榮街157號地舖❤️喺OpenRice睇到呢間舖頭嘅介紹，一試果然名不虛傳，今次食lunch座無虛席要喺門口等位，食物質素勁高，性價比又高，全店廿零個位，絕對係誠意之作🔷Salad先嚟過沙律已經大碟到嚇死，而且絕對係誠意之作，絕不馬虎🔷燒法國頂級珍珠野雞胸配黑松露醬雞胸處理得勁滑，絕對似高級餐廳嘅質素🔷香煎黑鱈魚柳配荷蘭汁個魚勁勁勁滑，點埋啲汁絕對係絕配食物：8.5/10抵食：8.5/10環境：7.5/10

呢間西餐廳食物質素唔錯，同朋友叫咗：🍲牛尾湯好足料嘅湯，裡面有大大嚿連骨嘅牛肉，湯底濃而不油，滋味十足。🍲黑松露忌廉湯 一上枱就聞到黑松露嘅香氣，黑松露味道好濃郁，而忌廉湯口感順滑，啱哂鍾意食松露嘅朋友。🦪西班牙Galicia生蠔 $48我地叫咗兩隻生蠔，店員介紹話西班牙蠔嘅特點係海水味會較重。呢隻生蠔非常新鮮，鹹鮮味好突出。🍝意式卡邦尼手工扁意粉 $138店員介紹話卡邦尼汁係用傳統方式烹煮，用左蛋黃嚟收汁。食落去卡邦尼醬汁濃郁結身，意粉彈牙。意粉裏仲有好多煙肉粒同芝士片做配料~🥓燒美國熟成豬鞍配燒烤汁 $238豬鞍先經過慢煮然後再煎，切開見到豬鞍肉質非常嫩，呈淺粉紅色。燒烤汁甜中帶煙燻香，伴碟有薯蓉同埋秋葵等蔬菜。

之前成日喺Social Media見到好多人介紹呢間餐廳，話老闆以前係酒店主廚，而家自己嚟深水埗開餐廳，希望大家都可以食到高質嘅食物，一直都好想嚟試吓，今日咁啱喺深水埗做嘢，終於有機會試啦。本身想食呢度最出名嘅油封煎鴨髀，但係朋友唔鍾意食鴨髀，咁我哋就叫其他嘢食試吓啦。一開始呢個鵝肝多士已經好出色，佢嘅鵝肝雖然唔係好大嚿，但係味道好好，一咬落去油香四溢，襯埋多士真係好夾。而且佢嘅沙律食落好開胃，我同朋友都大讚啊。因為朋友唔食牛，所以我哋就揀咗呢個豬鞍扒。本身覺得豬扒應該都係普普通通，估唔到佢食落比牛肉更加好食。一上枱已經睇到佢嘅肉質呈現粉嫩嘅粉紅色，食落有啲似牛扒，但係比牛扒更加嫩滑，而且味道好濃郁，唔係好多調味料已經食到好香嘅肉味。呢間餐廳雖然唔係好大，但係佢嘅環境好靚，而且仲好多地方比人哋影相適合打卡，我覺得呢度好適合約會或者朋友聚會啊。

不收加一，反而服務到位燒羊柳配南瓜意大利飯($108)3分—餐湯系牛腩雜菜湯，牛腩都幾多幾有牛味，可惜個湯吾夠熱。— 賣相非常一般，但羊同飯味道系調得幾好— 可惜羊柳真系太硬，切都差d切吾開同比較鞋。— 南瓜意大利飯幾特別，但南瓜吾夠香。— 咖啡以午餐來講都已經吾錯燒美國豬鞍配燒烤汁($118)4分—午餐見到隔離沙拉真系幾靚，除了沙拉菜，還有提子和番茄，我所以本來哩個餐都系叫餐湯，來到上檯都好樂意幫我— 豬鞍比較厚，但切開都睇到煎得剛剛好。— 食落豬肉有咬口，正—檸檬水正常。環境(3分)舖位算細，檯距比較近，裝修一般。服務(5分)— 吾論系等位，安排位置，自動自覺比水，上菜次序時間，親切禮貌，都可以攞滿分，最厲害系午餐吾收加一，但可以話加一服務，多謝你地咁努力。衛生(4分)抵食(4分)— 如果分量大返15%,應該攞5分

今日同朋友到長沙灣政府合署辦證件，順便找間餐廳食晚飯🥣呢間「C2 Lab」食物真係令人驚喜。餐廳空間雖然不算大，但氣氛舒適，適合聚餐。晚市時段人多，建議提前訂位。頭盤方面，西班牙Galicia生蠔口感Creamy，入口滑溜，海水味唔重，清新自然。燒法國鵪鶉肶七成熟，肉質鮮嫩，配搭紅桑子陳醋汁，酸甜的滋味提升了整體的層次感。主菜中，油封鴨髀配杏脯乳酪汁，鹹香十足，特別嘅杏脯乳酪汁令菜式更添風味，回味無窮。而低溫慢煮的美國和牛面頰，肉質腍滑，配上綿密的薯蓉，一口一口食唔停。整體而言，呢間餐廳不單止食物質素高，還有貼心的服務，絕對值得再來光顧！

法式香煎鵝肝配柚子珍珠 $118呢個前菜真係勁奢侈，勁大塊鵝肝，擺喺一舊已經浸潤曬鵝肝油脂嘅麵包上，食落口極度滿足，極柔軟肥美，配上仲有少少脆嘅麵包，勁滿足🥰一旁仲有啲柚子珍珠，for解膩嘅，酸酸甜甜咁好得意🫰🏻沙律醬係有少少芥辣嘅酸甜，瞬間開晒胃牛尾湯佐麵包 +$88牛尾湯有少少似日本食嗰種，比較多蔬菜，入面有一細舊牛尾，已經煮到爛晒，成個湯都好清甜😛麵包係柔軟帶少少果香嘅，我都幾鍾意！燒美國熟成豬鞍配燒烤汁 $238有少少估唔到豬肉都可以咁juicy！勁嫩勁柔軟，配菜都好有水準，薯蓉入面有混雜薯仔粒呢點好抵讚，食落講唔出係咩味，但係就係好香；仲有啲蓮藕、粟米仔、秋葵等，點埋有啲果香味嘅燒汁簡直一流，不過要記住豬肉要趁熱食~否則就會開始韌！鮮蟹肉北海道帶子紅花意大利飯 $188呢個份量勁足，帶子勁大舊，蟹肉都好多，記住一定要撈勻啲蟹肉嚟食！個飯粒粒分明，已經索晒啲汁入去，勁香❤️帶子入面仲有啲半生熟feel，勁嫩勁鮮甜~環境當日去到時係啱啱開舖，過咗冇幾耐就full曬，所以要去食嘅話最好提前book位，就萬無一失了~裝修行簡約路線，雖然二人枱嘅位置較細，但係waiter都勁勤力地收拾碗

這間位於尖沙咀的【C2 Lab】，主打西餐菜式，晚市有多款單點食物，包括了前菜、意粉/飯、扒類及甜品，而且有即開新鮮生蠔。主菜更可加錢配搭前菜及湯。鮮蟹肉牛油果蝦凍批蟹肉鮮味，配上香滑的牛油果及爽彈蝦仁，十分開胃的前菜。黑松露忌廉湯忌廉湯質感幼滑，有陣陣黑松露清香，還配上鬆軟麵包。意式肉腸配蕃茄忌廉長通粉用了粗管長通粉，蕃茄忌廉汁有陣陣肉腸辣味及油脂香，整個長通粉都十分惹味。燒美國頂級腹腔柳腹腔肉煎至表面焦脆，點了七成熟，中間還帶點粉色，入口肉味濃郁，而且肉汁豐富略有咬口。

黑松露忌廉湯個湯濃到爆！一飲入口就衝出超濃郁黑松露香氣，蘑菇碎碎的口感超加分，奶油滑順到喉嚨直接化開，飲落去根本停唔到口，口感勁豐富。配埋個包食，真係一流。 意式薄切油甘魚配橘子甜醋油甘魚切得很適中，口感嫩滑又鮮美，搭配橘子甜醋的酸酸甜甜，口感超清爽開胃！食落層次豐富，油甘魚和醋的果香完美融合，食到停唔到口，好適合而家嘅天氣食。 松子青醬薯仔丸子依個薯仔丸子食落超有層次！青醬包滿每一粒丸子，院子食落去煙煙韌韌好有咬口，配埋個醬好Creamy，真係推介要試吓，好有驚喜。 油封鴨髀配杏脯乳酪汁油封鴨髀做得十分出色！鴨髀做到骨肉分離，外皮煎得焦脆帶油香，用差細細力就可以起到成塊肉。個杏脯乳酪醬就咁食已經好好味，酸酸甜甜的果香又有淡淡嘅奶香，直接化解鴨肉的油膩感。咬落去先是脆皮咔嚓聲，之後是入口即化既鴨肉，層次感爆炸！

C2 Lab (深水埗)深水埗福榮街157號地舖深水埗隱世嘢食好地方，前排同朋友發現咗一間不錯嘅西餐，行過都應該會見到，有個一比一嘅 Iron Man 放喺門口，真係型格又夠驚喜！一入到去，環境有種低調嘅時尚感，侍應仲好熱情咁同我哋介紹菜單。晚市嗌主菜，+88套餐可以另選前菜，另外仲可以加多幾十蚊有甜品，性價比高。🍤 酥炸軟殼蝦凱撒沙律前菜一上枱就係酥炸軟殼蝦凱撒沙律，係另外一個是日精選 Menu，嗰啲軟殼蝦炸得金黃香脆，連殼一齊食都無問題，蝦肉鮮甜，配上凱撒醬嘅酸香同沙律菜嘅清新！🍲 黑松露忌廉湯餐湯係黑松露忌廉湯，聞落去松露香氣扑鼻，入口濃郁又順滑，忌廉同松露嘅味道非常夾，暖笠笠，滿足。🥩 低溫美國慢煮和牛面頰配薯蓉主菜我揀咗低溫美國慢煮和牛面頰配薯蓉，哇，呢個和牛面頰慢煮得軟腍到入口即化，肉汁鎖得好靚，配上薯蓉嘅綿滑口感，食完一件仲想 encore。🍚 鮮蟹肉北海道帶子紅花意大利飯朋友試咗鮮蟹肉北海道帶子紅花意大利飯，粒粒飯吸晒蟹肉嘅鮮味，帶子煎得外脆內嫩，紅花嘅淡淡香氣令成碟飯更有層次。🍰 自家製 Tiramisu甜品揀咗佢哋自家製 Tiramisu，加幾十蚊真係抵到笑！入口即

放工想食餐好啲，估唔到深水埗都有高質西餐廳，一於試試佢！今次試咗幾款熱門菜式，真心覺得幾有水準✨每款主菜可以＋$88 任選一款前菜或者+$108 任選一款前菜＋湯，同埋有Daily Special Menu🙆🏻‍♀️🦆 法式香煎鵝肝配柚子珍珠（$108）鵝肝煎得啱啱好，外脆內軟，油脂香氣十足，配埋多士超好食🤤 隔離配上幾粒柚子珍珠，一咬就好似爆珠咁，酸酸甜甜，仲有啲柚子嘅果香，有驚喜！而且仲有份柚子醋沙律，就算係以鵝肝作為前菜，呢個配搭食完都唔會覺得太膩👍🏻🥣牛尾湯（$68）牛尾湯味道濃郁，落咗好多香料，飲落好有層次，牛尾肉亦煮到超腍。至於個麵包，初頭望落以為係硬身法包，但一搣開入面好鬆軟🥖🍝 意式卡邦尼手工扁意粉（$138）卡邦尼意粉好香，食落去係好濃嘅芝士味，而且每條意粉都掛滿滿嘅醬汁🤤手工扁意粉口感彈牙，唔會過淋，加埋煙肉，味道層次豐富，芝士控應該會好鍾意！🐖 燒美國熟成豬鞍配燒烤汁（$238）豬鞍份量好足，一上枱嘅時候已經切好晒，仲要嚿嚿都厚切，鍾意食濃味嘅記得要點埋個燒烤汁，好惹味！

位於深水埗福榮街的「C2 Lab」，鄰近地鐵站，交通方便。餐廳主打西餐，食物選擇多元化，晚市時段都幾受歡迎👍🏻鮮蟹肉牛油果蝦凍批表面有三粒大大隻鮮蝦，爽口彈牙。蘋果片底下係牛油果及鮮蟹肉，新鮮味美，用料充足牛尾湯配餐包香氣濃郁的牛尾湯，滿載鮮味，清甜美味！意式卡邦尼手工扁意粉扁意粉係手工自家製作的，口感煙韌獨特～每條都沾滿意式卡邦尼蛋汁，濃郁滋味，當中仲有適量煙肉碎及洋蔥碎，增添口感油封鴨髀配杏脯乳酪汁香脆可口的油封鴨髀，外皮脆卜卜，鴨髀肉充滿鴨油及肉汁，齒頰留香，勁好食！配上杏脯乳酪汁，質感輕盈，酸酸的微甜，入口清新，有助解膩自家製心太軟伴雪糕即叫即製的心太軟，熱辣辣，朱古力味好香濃，甜而不膩，內裏的朱古力流心好澎湃，整體都幾高質