Video
Read full review
2012-11-28
77 views
自從迷上豚王的濃郁，一風堂的細膩和隱家的別樹一幟已經好少試到值得點名讚的拉麵店過左尋晚，又多個選擇Before we were seated…今次約左兩個朋友專程去試近期好評如潮的富士山55我到門外有兩張二人檯係我前面等緊個講日文同少量英文和中文的哥哥仔黎問我幾多人跟手俾左個餐牌同點麵紙俾我 ---- (A)因為落雨，門外四張凳都濕哂，冇人坐好彩個女侍應見個個棟篤企識相出黎抹睇左個餐牌一圈發現選擇好簡單1) 沾麵 或 湯麵？2) 豚骨 或 櫻蝦油 或 濃豚骨(沾) 或 名古屋二郎(湯)？3) 要唔要蔥／洋蔥(沾)／芽菜(湯)／椰菜(湯)／蒜頭(湯)？ ---- (B)4) 軟／普通／硬麵質？5) 加配料？---- (C)我兩個朋友一到，揀埋麵，就有位坐前後等左10分鐘左右After being seated…因為單數，所以獲派bar檯位OK舒服，因為我地係全鋪最入的位置隔離仲有張spare凳放野檯位置有一個電磁爐 ---- (D)一個牌教你點由沾麵食到芝士飯一瓶昆布水一瓶豆辦醬一盒紙巾我地三個同樣點左濃香櫻蝦沾麵另外share一份餃子同椰菜同兩份日式芝士粥飯When the food
自從迷上豚王的濃郁，一風堂的細膩和隱家的別樹一幟
已經好少試到值得點名讚的拉麵店
過左尋晚，又多個選擇
Before we were seated…今次約左兩個朋友
專程去試近期好評如潮的富士山55
我到門外有兩張二人檯係我前面等緊
個講日文同少量英文和中文的哥哥仔黎問我幾多人
跟手俾左個餐牌同點麵紙俾我 ---- (A)
因為落雨，門外四張凳都濕哂，冇人坐
好彩個女侍應見個個棟篤企識相出黎抹
睇左個餐牌一圈發現選擇好簡單
1) 沾麵 或 湯麵？
2) 豚骨 或 櫻蝦油 或 濃豚骨(沾) 或 名古屋二郎(湯)？
3) 要唔要蔥／洋蔥(沾)／芽菜(湯)／椰菜(湯)／蒜頭(湯)？ ---- (B)
4) 軟／普通／硬麵質？
5) 加配料？---- (C)
我兩個朋友一到，揀埋麵，就有位坐
前後等左10分鐘左右
After being seated…
因為單數，所以獲派bar檯位
OK舒服，因為我地係全鋪最入的位置
隔離仲有張spare凳放野
檯位置有
一個電磁爐 ---- (D)
一個牌教你點由沾麵食到芝士飯
一瓶昆布水
一瓶豆辦醬
一盒紙巾
我地三個同樣點左濃香櫻蝦沾麵另外share一份餃子同椰菜同兩份日式芝士粥飯
When the food arrived…
個麵同湯一上就已經聞到好香濃的豚骨味
友人先試左啖麵發覺有點冷
我就撇晒蔥再加青檸(同友人share) 同豆辦醬
之後就開始沾麵食
唔知係米櫻蝦味令整個湯底都甜甜地，好合我胃口
初時友人都投訴話個湯唔夠熱
再放d凍左的麵入去，越食越凍
後來意會到個爐可以幫到手就開心晒
我就嫌兩塊薄叉燒太少，口感唔夠 ---- (E)
呢個價錢，如果可以有4塊薄或2塊厚叉燒會比較恰當
隻蛋係做得好好的流心
竹筍都合格
湯裡面有點椰菜，不過唔係好夠送麵，所以追加左一份
餃子係另一個朋友食過後，特別推薦的好簡單地好食
個餡細細碎碎，好充實，口感不錯
個皮夠薄，又脆又軟
食晒個麵，可以進入重頭戲部份我唔知有冇 “正確做法”
不過我就將整個飯倒入湯中，顏開，然後放上爐
一邊煮，一邊加芝士條
大概1分鐘d芝士就溶得七七八八
我攪拌幾下就熄爐
本身見個煲整個銀色，以為直接用手拎會好熱
點知又唔剌手
開始食個芝士飯第一啖，同d芝士藕斷絲連時，已經充滿罪惡感
因為此等美食，一定肥到加零一！
不過我從來都豁出去
好食，就拚埋條命都要品嚐
話說回來，個飯因為係珍珠米
所以浸左湯都唔會泡淋晒
仲有因為我食麵時已經呷左好幾啖湯
所以我個芝士飯比起朋友的更黏身 ----(F)
個味道好濃，好彩我偏好重口味
General note on the service…其實個日文哥哥仔好helpful
不過真係溝通唔到
至於其他員工整體ok
不過到我地食完
佢地好刻意安排左兩個侍應企係我地後面
好似要趕住請走我地咁
呢下有d無耐
Other Info. :
Areas needing Improvements:
(A) 好明顯呢間鋪仲好新
因為日文哥哥仔有俾點麵紙我同我前面的人
但當我前面兩pair都有檯
佢就冇派點麵紙俾我後面果幾位
服務唔係好consistent
(B) 我懷疑點麵紙上的“洋蔥” 唔係洋蔥而係青檸
因為我地三人得我一個剔左「走洋蔥」同「不要蔥」
但最後有一碗麵有蔥但冇青檸
我建議餐廳唔好俾鉛筆我地畫點麵紙
而改用紅色水筆
因為實在太難睇同畫
(C) 配料當中
有些適合放入湯中，如叉燒、紫菜
亦有適合獨立為小食的餃子
同埋呢間鋪的重點gimmick「日式芝士粥飯」
我認為如果將後兩者勾出黎，另外開兩欄
呢張點麵紙整體結構會更customer-friendly
(D) 個爐有點阻住放野
又麵又湯又小食
其實有d迫
可以考慮投資多少少
整番個入檯電磁爐
等客人鬆動點食得舒服點
(E) 叉燒太少唔夠送麵之餘
我仲想話呢個gimmick就係有麵又有飯
如果餸得咁少，要送兩份澱粉質
營養唔均衡之餘，仲有點寡口
(F) 個湯去到呢個位已經變左濃汁
所以希望管理層可以考慮送杯水俾食客
以免唔食慣濃味的客人(如我的朋友)
覺得出左餐廳後個口同喉嚨好乾，好需要水
(The above review is the personal opinion of a user which does not represent OpenRice's point of view.)
Post
