Video
Read full review
2019-09-20
155 views
好耐冇出去食晏嘅我，因為今晚冇時間食晚餐而諗住出去食個豐盛午餐，行行下見到呢間玻璃屋嘅餐廳，竟然好多人排，於是我地又去排下啦。等左半個鐘終於入得，見到個餐牌，唔係好多個餐揀，但個餐竟好豐富，包左個湯/沙律，飲品同甜品窩夫。以食物質素同份量嚟講，價錢唔貴。我就嗌左個set B ，係魚柳蕃茄扁意粉，佢個汁係用新鮮蕃茄做嘅，所以食落酸酸甜甜得來又好fresh, 除咗蕃茄仲有橄欖同青椒。而魚柳啖啖肉，意粉又夠彈牙，好好食。而同事就帶咗個set C,係辣肉醬熱狗配炸蕃薯條。啲蕃薯甜甜地，外脆內軟，我覺得好食過普通炸薯條。而個熱狗，條腸係脆皮腸，加埋肉醬口感好豐富，而且佢個包係烘到外層脆卜卜，但又唔會成個包硬晒咁。講返啲前菜先，我就啦左個煙三文魚黑醋沙律，佢個黑醋沙律偏甜甜地，醋味減低左。而同事就揀左湯，佢今日個湯係椰菜花忌廉湯，個湯都好creamy，甜甜地。佢個餐包左半個窩夫，佢果然係窩夫專門店，因為個窩夫好厚身但又好鬆軟，外層帶小小脆，入邊就好軟熟，而且中間仲有啲朱古力粒，好好食。飲品方面我就加錢嗌左杯凍朱古力，滿滿cream，但係朱古力就比較淡，唔太夠味。同事就嗌左杯凍檸水，糖漿另上俾你自己
好耐冇出去食晏嘅我，因為今晚冇時間食晚餐而諗住出去食個豐盛午餐，行行下見到呢間玻璃屋嘅餐廳，竟然好多人排，於是我地又去排下啦。
等左半個鐘終於入得，見到個餐牌，唔係好多個餐揀，但個餐竟好豐富，包左個湯/沙律，飲品同甜品窩夫。以食物質素同份量嚟講，價錢唔貴。
我就嗌左個set B ，係魚柳蕃茄扁意粉，佢個汁係用新鮮蕃茄做嘅，所以食落酸酸甜甜得來又好fresh, 除咗蕃茄仲有橄欖同青椒。而魚柳啖啖肉，意粉又夠彈牙，好好食。
而同事就帶咗個set C,係辣肉醬熱狗配炸蕃薯條。啲蕃薯甜甜地，外脆內軟，我覺得好食過普通炸薯條。而個熱狗，條腸係脆皮腸，加埋肉醬口感好豐富，而且佢個包係烘到外層脆卜卜，但又唔會成個包硬晒咁。
講返啲前菜先，我就啦左個煙三文魚黑醋沙律，佢個黑醋沙律偏甜甜地，醋味減低左。
而同事就揀左湯，佢今日個湯係椰菜花忌廉湯，個湯都好creamy，甜甜地。
佢個餐包左半個窩夫，佢果然係窩夫專門店，因為個窩夫好厚身但又好鬆軟，外層帶小小脆，入邊就好軟熟，而且中間仲有啲朱古力粒，好好食。
飲品方面我就加錢嗌左杯凍朱古力，滿滿cream，但係朱古力就比較淡，唔太夠味。
同事就嗌左杯凍檸水，糖漿另上俾你自己調較甜度。
食到飽飽，由前菜到甜品，樣樣都好滿意。
Post
