Video
Read full review
2020-09-02
1219 views
因為疫情問題，真係好耐無見過朋友，所以係之前疫情平復果陣，專程約出黎食餐飯。由於我地一行3個人都好鐘意食火鍋，所以我搵左依間中日火鍋 – 火薈，有得食火鍋之餘，仲可以食埋刺身添，一次滿足2個願望。 火薈比較近太子地鐵站，門口裝修好顯眼，所以都好容易搵到。一上到去眼見座位都好闊落，店員安排我地坐窗口位，自成一角，而環境唔算嘈，同朋友傾計都好方便。 一坐底就有清茶飲，店員都會好熱情問下會唔會需要叫埋其他野飲，之後就放低埋調味盤，辣椒、生蒜蓉、葱等等都好新鮮，明顯係新鮮切，唔係放係雪櫃過夜。 黎到依到中日火鍋，梗係要叫下刺身食啦！係菜單見到有刺身拼盤，好吸引，一於叫黎試下！我地揀左刺身拼盤(松)，因為店員講刺身種類係會豐富啲，而且分量都係大啲架！ 刺身拼盤一上枱都好震撼，因為係大大大隻刺身船，影相打卡真係一流。帶子大大粒，厚肉又鮮甜。墨魚撈蟹子口感，墨魚既軟同蟹子既脆好夾，口感特別。鮑魚都好鮮嫰，甜蝦鮮美，！ 輪到食火鍋啦，火鍋湯底我地叫左海南椰子雞鍋，店員叮囑我地水滾先飲湯，因為湯底係用左純椰青水，所以會特別甜，零舍好飲，飲完湯同食埋雞之後再加湯打邊爐。 跟著到揀打邊爐嘅配料，我地揀左新
火薈比較近太子地鐵站，門口裝修好顯眼，所以都好容易搵到。一上到去眼見座位都好闊落，店員安排我地坐窗口位，自成一角，而環境唔算嘈，同朋友傾計都好方便。
一坐底就有清茶飲，店員都會好熱情問下會唔會需要叫埋其他野飲，之後就放低埋調味盤，辣椒、生蒜蓉、葱等等都好新鮮，明顯係新鮮切，唔係放係雪櫃過夜。
黎到依到中日火鍋，梗係要叫下刺身食啦！係菜單見到有刺身拼盤，好吸引，一於叫黎試下！我地揀左刺身拼盤(松)，因為店員講刺身種類係會豐富啲，而且分量都係大啲架！
刺身拼盤(松)
$298
57 views
0 likes
0 comments
刺身拼盤一上枱都好震撼，因為係大大大隻刺身船，影相打卡真係一流。帶子大大粒，厚肉又鮮甜。墨魚撈蟹子口感，墨魚既軟同蟹子既脆好夾，口感特別。鮑魚都好鮮嫰，甜蝦鮮美，！
海南椰子雞鍋
$238
27 views
0 likes
0 comments
輪到食火鍋啦，火鍋湯底我地叫左海南椰子雞鍋，店員叮囑我地水滾先飲湯，因為湯底係用左純椰青水，所以會特別甜，零舍好飲，飲完湯同食埋雞之後再加湯打邊爐。
跟著到揀打邊爐嘅配料，我地揀左新鮮海魚、美國桶蠔、竹笙、即炸響鈴、菜心苗、萵荀件、安格斯牛頸脊、蟹子鮮蝦滑。
海魚刺身
$333
31 views
0 likes
0 comments
雖然店員話可以當刺身食，但我地都唔太敢，所以都係用黎打邊爐食，比較安心。新鮮海魚真係零舍唔同啲，嫩滑又鮮甜，師傅魚肉厚薄切得好適中。
美國桶蠔
$148
20 views
0 likes
0 comments
桶蠔肥美鮮甜，大大啖肉，好滿足，而且分量亦唔少
竹笙
$48
19 views
0 likes
0 comments
竹笙爽脆，吸湯一流，真係好味又健康
安格斯牛頸脊（大）
$268
24 views
0 likes
0 comments
肥瘦適中，肉質淋滑，肉味濃郁，令人一啖接一啖，好好味，食過唔停口呀！
即炸響鈴
$48
20 views
0 likes
0 comments
非常新鮮，上枱仲係熱辣辣，通常我會放係湯碌2-3秒就食，既有即炸既脆卜卜，亦吸收湯底既味道，好正
萵荀件
$32
16 views
0 likes
0 comments
萵荀都幾新鮮，切得好靚，味道爽甜
菜心苗
$35
65 views
0 likes
0 comments
菜心苗一樣咁新鮮，都好幼嫩，好甜又無渣
總括而言，環境闊落，坐得都好舒服，店員親切有禮，食物質素都唔錯。等遲下疫情好轉，解除限聚令，我會再約三五知己再食過！
Post
