Video
Read full review
2023-04-04
868 views
玄學占卜有好多種，其中一種稱為"八字"，八字之中有一個同飲食應酬有關嘅十神名詞，叫"食神"!我相信同食神相剋，近排遇上好多質素不佳餐廳，有D由好變差，有D原本係差依家都係差，又有D第一次幫襯就差，一間接一間.....今次終於食好西了!女友小熊一直想食鰻魚飯，行過幾次座位唔多鰻魚飯又好出名嘅東京天井食堂都係滿座，一直無緣幫襯，今次去陳烘睇吓相機，經過東京天井終於唔洗等就有位，馬上幫襯，可惜唔係露天座位，唔可以一邊抽煙一邊食餐.除咗鰻魚飯，仲點咗牛肉壽喜燒定食，餃子雞翼，荔枝同芒果梳打.鰻魚飯又好奇怪，叫做黯然銷魚飯，而牛肉壽喜燒又好,鰻魚飯又好，都有一隻顏色好橙嘅雞蛋，同一值食開嘅黃色蛋黃好大對比，所以特別吸晴.牛壽喜牛肉雖然薄薄一片但份量不少，洋蔥同牛肉一同入口，有肉味有甜味，滿分.餃子雞翼好明顯係將隻雞翼拆骨，再加入豬肉，餡料豐富又有雞皮香.鰻魚係另一項必食，世上咁多種魚咁多種煮法，燒鰻魚係第一最愛，魚肉鬆軟入口即溶，又有甜適中嘅燒汁，爆分.東京天井食堂仲有個吸引人地方，環境好有日劇深夜食堂 feel，不過老闆臉上無刀疤，唔知係咪豹隱多年嘅江湖大佬.
我相信同食神相剋，近排遇上好多質素不佳餐廳，有D由好變差，有D原本係差依家都係差，又有D第一次幫襯就差，一間接一間.....
今次終於食好西了!
女友小熊一直想食鰻魚飯，行過幾次座位唔多鰻魚飯又好出名嘅東京天井食堂都係滿座，一直無緣幫襯，今次去陳烘睇吓相機，經過東京天井終於唔洗等就有位，馬上幫襯，可惜唔係露天座位，唔可以一邊抽煙一邊食餐.
除咗鰻魚飯，仲點咗牛肉壽喜燒定食，餃子雞翼，荔枝同芒果梳打.
鰻魚飯又好奇怪，叫做黯然銷魚飯，而牛肉壽喜燒又好,鰻魚飯又好，都有一隻顏色好橙嘅雞蛋，同一值食開嘅黃色蛋黃好大對比，所以特別吸晴.
牛壽喜牛肉雖然薄薄一片但份量不少，洋蔥同牛肉一同入口，有肉味有甜味，滿分.
餃子雞翼好明顯係將隻雞翼拆骨，再加入豬肉，餡料豐富又有雞皮香.
鰻魚係另一項必食，世上咁多種魚咁多種煮法，燒鰻魚係第一最愛，魚肉鬆軟入口即溶，又有甜適中嘅燒汁，爆分.
東京天井食堂仲有個吸引人地方，環境好有日劇深夜食堂 feel，不過老闆臉上無刀疤，唔知係咪豹隱多年嘅江湖大佬.
黯然銷魚飯
8 views
0 likes
0 comments
牛肉壽喜燒定食
9 views
0 likes
0 comments
餃子雞翼
7 views
0 likes
0 comments
Post
