Video
Read full review
2023-11-27
1646 views
太掛住日本嘅壽喜燒終於搵到間正宗嘅日本壽喜燒餐廳由前すき焼森久日藉🇯🇵主廚高橋佳介主理用上A4 京都姬牛即席係檯前烹調係必定會再到訪嘅餐廳👍🏼Lunch Set有$400及$600揀今次每人叫左一份$600個Set✨𝑺𝒖𝒌𝒊𝒚𝒂𝒌𝒊 𝑺𝒆𝒕 𝑰𝒕𝒔𝒖𝒌𝒊 $𝟔𝟎𝟎✨套餐好豐盛，包括有頭盤、蒸物、蔬菜、壽喜燒牛4片、和牛蛋飯及甜品。會先上一碗飯，配牛食。飯係可以免費任添，但最好留肚食和牛蛋飯🍚-頭盤-今日嘅前菜係腐皮冷盤，師傅將腐皮切到一小片，再配以特製芡汁冷凍，食落好涼快開胃，喺面再加咗d wasabi，能夠刺激到味蕾，令食慾大增。.-蒸物-呢道菜係紫菜蒸蛋，個蛋非常滑溜，蛋味香濃，喺蛋面加上紫菜絲，食落有淡淡嘅紫菜香味，非常特別。-野菜-喺每食完一輪和牛之後就會上一碟蔬菜。第一輪上嘅蔬菜分別有豆腐、香菇、娃娃菜同埋年糕，第二輪就會上日本洋蔥，最後一輪就係蒟蒻。每一款蔬菜都好入味，充分吸收哂壽喜燒汁嘅香味，非常高質。-壽喜燒牛4片-首先烹調A4西冷和牛，師傅會喺客人面前即場烹調，手法好正宗，先用牛脂燒熱鍋，再灑上砂糖烤一陣先放牛，晒後加上醬汁。牛嘅熟度控製得啱啱好。A4西冷和牛食落油脂
終於搵到間正宗嘅日本壽喜燒餐廳
由前すき焼森久日藉🇯🇵主廚高橋佳介主理
用上A4 京都姬牛即席係檯前烹調
係必定會再到訪嘅餐廳👍🏼
Lunch Set有$400及$600揀
今次每人叫左一份$600個Set
✨𝑺𝒖𝒌𝒊𝒚𝒂𝒌𝒊 𝑺𝒆𝒕 𝑰𝒕𝒔𝒖𝒌𝒊 $𝟔𝟎𝟎✨
套餐好豐盛，包括有頭盤、蒸物、蔬菜、壽喜燒牛4片、和牛蛋飯及甜品。會先上一碗飯，配牛食。飯係可以免費任添，但最好留肚食和牛蛋飯🍚
-頭盤-
今日嘅前菜係腐皮冷盤，師傅將腐皮切到一小片，再配以特製芡汁冷凍，食落好涼快開胃，喺面再加咗d wasabi，能夠刺激到味蕾，令食慾大增。
.
-蒸物-
呢道菜係紫菜蒸蛋，個蛋非常滑溜，蛋味香濃，喺蛋面加上紫菜絲，食落有淡淡嘅紫菜香味，非常特別。
-野菜-
喺每食完一輪和牛之後就會上一碟蔬菜。第一輪上嘅蔬菜分別有豆腐、香菇、娃娃菜同埋年糕，第二輪就會上日本洋蔥，最後一輪就係蒟蒻。每一款蔬菜都好入味，充分吸收哂壽喜燒汁嘅香味，非常高質。
-壽喜燒牛4片-
首先烹調A4西冷和牛，師傅會喺客人面前即場烹調，手法好正宗，先用牛脂燒熱鍋，再灑上砂糖烤一陣先放牛，晒後加上醬汁。牛嘅熟度控製得啱啱好。A4西冷和牛食落油脂比例好完美，油脂感豐富，而且牛味香濃。之後師傅就烹調和牛牛肩，牛肩嘅紋理好靚，口感更具彈性，入口即溶。配埋日本蘭王蛋液更香濃。
-和牛蛋飯-
師傅最後就會烹調埋個蛋飯，滑蛋中會夾雜住碎和牛，口感好有層次，撈埋日本米飯一齊食好夾。
-甜品-
當日嘅甜品係冧酒提子味雪糕，為呢餐美味佳餚劃上完美句號。
Post
