天勝

Open Now

Now Closed

今晚去了間日式料理，首先餐廳位置方便位處恩平道，一啲都唔難搵，二來食物質素高價錢都合理，還有這裡都真係有好多日本人選擇，今晚眼見都有兩三枱都係日本人，而店員亦會用日語招呼，想信客人亦覺得十分親切！餐牌有中英日文選擇，真係十分細心，先點了個味噌酢螢光魷魚$70，魷魚入口軟熟上面沾滿了味噌，令魷魚入口更加鮮味！跟住就係炸雞肉$90，炸得好香，咬開仍然充滿肉汁，入口雞肉嫩滑軟熟，大大舊啖啖肉，佐酒佳品！另外個當然唔少得嘅手羽先塩燒$58，燒得十分香口，用皮脆肉嫩去描述絕對正確！用了少少鹽作為追味，引出本來嘅鮮味，細心嘅師傅亦將雞翼骨折開，方便入口！而朋友就喜歡個燒油甘魚魚鮫$300，魚鮫位於肥美既魚腩向上近下巴位置, 肌肉有彈性, 油脂及膠質重, 鹽燒後味道更香濃，雖然價錢就貴少少，但勝在味道好同質素高，而且都有好多肉食，朋友食得十分滿足已經值回票價！最後加多個牛肉蕎麥麵$90，上面鋪滿了軟滑嘅牛肉，下面就係煙韌彈牙嘅蕎麥麵，在這裡又可以尋回在旅遊時嘅感覺！