古今二 (荃灣千色匯I) (Closed)

古今二呢間餐廳以其創意日式卷物而聞名，餐廳裝修簡約，採用和式風格，營造出溫馨親切嘅氛圍！龍卷風沙律沙律堆到成座山咁高，以新鮮爽脆嘅生菜做底，加上中華沙律、蟹柳、蟹籽同脆片，配以秘製沙律醬，口感豐富，好好食，必食之選！埼玉網燒牛舌火候控制得啱啱好，厚砌牛舌肉質粉嫩、Q彈爽口，配上特製牛舌汁，更能突顯香濃嘅牛味！蜘蛛卷由炸軟殼蟹、牛油果、青瓜同蟹籽製成，外形猶如蜘蛛，食落口感豐富，味道唔錯。青龍卷以鰻魚、牛油果、蟹柳為餡料，鰻魚質地彈牙又唔腥，估唔到呢個配搭都唔錯！日式章魚小丸子新鮮出爐，熱辣辣，酥脆嘅外皮，同軟綿綿嘅內餡形成對比，每一啖都食到彈牙嘅章魚，不失為一個經典小食。日式卷物的確唔錯，有創意之餘味道都好好，鍾意食卷物嘅朋友仔不用錯過！