Video
Read full review
2018-12-16
1486 views
喺日本各地都有分店嘅雪ノ下開到銅鑼灣時曾經都引起過人龍，一直未有到訪。今日亦都唔係為此而過海，只係幸福嘅班戟太多人，所以我先退以求其次，黎到希雲街。其實對厚班戟唔係話好大意欲，即使去到門口，都依然有所猶疑，最終因為店內有空位，而決定都一試。話說回來，我事前都已經睇過好多負評，並自行腦補，不抱期望餐廳分廚房、用餐區L字型設計，兩者所佔空間差不多，廚房全透明，可見製作過程，店內約有二十個位置，枱櫈密麻。安排座位後，店員會送上餐牌，自行到收銀處點單，由店員送餐。餐牌供應日式厚燒班戟、刨冰、輕食例如三文治、多士，定價$50-78。飲料以咖啡、牛奶為主，定價$26-56。每人最低消費$50，繁忙時間用餐限50分鐘。原味厚燒班戟 $68除左原味，有抹茶、朱古力、藍莓口味。列明食材由日本進口，蜂蜜來自愛媛縣小池養蜂園，牛油來自宮崎縣高千穗，廣島雞蛋、霧島牛奶。簡單黎講就係話俾客人知，「我值呢個價」嘅意思。班戟即點即製，睇番我等左超過二十分鐘，不過冇所謂，反正我地食住刨冰等。班戟厚身，面頭燒過，睇番唔同食客嘅照片，感覺燒嘅程度有別，我呢件明顯燒得較耐，色水深，燶又不至於。名字叫班戟，實際比較接近蛋糕或
餐廳分廚房、用餐區L字型設計，兩者所佔空間差不多，廚房全透明，可見製作過程，店內約有二十個位置，枱櫈密麻。安排座位後，店員會送上餐牌，自行到收銀處點單，由店員送餐。餐牌供應日式厚燒班戟、刨冰、輕食例如三文治、多士，定價$50-78。飲料以咖啡、牛奶為主，定價$26-56。每人最低消費$50，繁忙時間用餐限50分鐘。
原味厚燒班戟 $68除左原味，有抹茶、朱古力、藍莓口味。列明食材由日本進口，蜂蜜來自愛媛縣小池養蜂園，牛油來自宮崎縣高千穗，廣島雞蛋、霧島牛奶。簡單黎講就係話俾客人知，「我值呢個價」嘅意思。班戟即點即製，睇番我等左超過二十分鐘，不過冇所謂，反正我地食住刨冰等。班戟厚身，面頭燒過，睇番唔同食客嘅照片，感覺燒嘅程度有別，我呢件明顯燒得較耐，色水深，燶又不至於。
原味厚燒班戟
$68
52 views
0 likes
0 comments
名字叫班戟，實際比較接近蛋糕或者布朗尼之類，外層微微硬脆，口感紮實，食完有飽腹感。蛋味食得到有，但淡薄；牛油太細舊，冇乜感覺。附上蜂蜜，我一次過倒哂，非常之甜。
京都宇治抹茶刨冰 $55除左抹茶，有咖啡、黑糖粉、生薑、草莓牛奶、藍莓牛奶。刨冰以日本天然水、霧島牛奶製作，冰大小適中，一人食一份都可以。揀左抹茶口味，面頭有少量紅豆。頭幾口抹茶味非常濃郁，甘澀且甜度低，醬汁唧勻全個冰。不過一路食就覺得有點單調，連紅豆都無甜味，直至夾層嘅牛奶冰出現，可能其他口味會比較適合我。刨冰質地滑溜，入口即溶，冇粗糙感，同我最愛嘅氷屋無差
京都宇治抹茶刨冰
$55
26 views
1 likes
0 comments
班戟味道唔可以話係伏，只係睇你期望緊啲乜，唔好拎黎同梳乎厘班戟比較，完全唔同科。我當自己食左件蛋糕，性價比唔高，只能夠講各人口味唔同，試一次咪知
Post
