大丼屋 (Closed)

近排荃灣開咗好多新餐廳，見近近地咁方便一於去試一試先。百悅坊係荃灣新食廈，位置近楊屋道街市，都算方便。餐廳感覺乾淨企理，開揚光猛。餐牌選擇唔算太多，但亦有期間限定特別餐牌。燒肉丼燒牛肉鋪滿整碗丼飯面，中間加上蛋黃，見到都覺得好吸引，牛肉厚身又夠多，肉味濃郁，沾上蛋汁同吃更添滋味。豚肉餃子外皮炸到金黃酥脆，入口脆卜卜，肉裏肉餡鮮味多汁，好好食😋炸魷魚鬚炸漿香脆可口，魷魚鬚鮮甜美味，沾上蛋黃醬更加惹味。整體食物都算唔錯，而且份量十足，非常飽肚。