薑媽

Open Now

Now Closed

牛頭角附近好少cafe，但係最近俾我搵到一間日式家庭風嘅cafe，午市仲成日爆場，想食嘅朋友仔記得預早少少時間等位。餐廳主打日式定食同便當，另外都有手作漢堡等等。韓式辣醬豬肋骨定食 $118一共有4款一汁三菜定食，款式會定期轉。每份定食選用日本國產米，配有味噌湯、漬物、1款冷菜加1杯熱飲。我就揀咗韓式辣醬豬肋骨，一碟有七件豬肋骨，每件都啖啖肉，入口滑嫩。醬汁少少辣，送飯一流。吉列珍寶蠔及竹莢魚定食 $130同事就叫咗吉列珍寶蠔及竹莢魚。珍寶蠔好大隻，炸得香脆金黃，唔錯。