Video
Read full review
2023-11-02
27 views
大角咀出名多嘢食，亦都好多小店，同朋友放咗工喺奧運站行過嚟都係5分鐘左右，依間舖頭叫做吉勝，一聽到個名就知道主打食吉列炸物，環境裝修都好舒服，枱與枱之間都有距離✨火炙三文魚加州卷3件$42三文魚經過火炙，三文魚油特別香，加上大大粒嘅三文魚子，為親子卷加多一份鮮味，飯卷嘅餡料亦都好足料，有玉子同黃瓜✨秋刀魚$148秋刀魚當造季節係9月至12月，我哋立刻叫咗一條黎試下，唔好睇平日秋刀魚細細條，做刺身都非常多肉，秋刀魚魚肉好鮮甜，一啲魚腥味都無，仲有淡淡的油脂香，老闆推介我哋點柚子醋汁加蔥、薑蓉、日本蘿蔔一齊食，口感會更豐富✨壽喜牛肉鍋+熱烏冬$140最近天氣涼涼地，最適合食火鍋🍲，黎到日本餐廳，梗係揀日本風味嘅湯底，湯底甜甜，帶有淡淡的清酒香味，牛肉份量都幾多，肉質肥美，油脂好香，另外有好多配菜，金菇，豆腐，娃娃菜，冬菇，火鍋仔都配有稻庭烏冬，烏冬煙韌彈牙✨日本茄子$14✨秋葵$12✨日本青椒仔$18✨日本迷你甜薯$12✨紫蘇雞肉$18✨煙熏豚肉$22✨多春魚$12✨豚肉韭菜卷$24✨免治鷄肉（日本南部鷄）$18✨煙肉蠔卷$24串揚喺大阪名物，但香港唔係好多地方食到，炸粉整得好薄，每件都炸
✨火炙三文魚加州卷3件$42
三文魚經過火炙，三文魚油特別香，加上大大粒嘅三文魚子，為親子卷加多一份鮮味，飯卷嘅餡料亦都好足料，有玉子同黃瓜
✨秋刀魚$148
秋刀魚當造季節係9月至12月，我哋立刻叫咗一條黎試下，唔好睇平日秋刀魚細細條，做刺身都非常多肉，秋刀魚魚肉好鮮甜，一啲魚腥味都無，仲有淡淡的油脂香，老闆推介我哋點柚子醋汁加蔥、薑蓉、日本蘿蔔一齊食，口感會更豐富
✨壽喜牛肉鍋+熱烏冬$140
最近天氣涼涼地，最適合食火鍋🍲，黎到日本餐廳，梗係揀日本風味嘅湯底，湯底甜甜，帶有淡淡的清酒香味，牛肉份量都幾多，肉質肥美，油脂好香，另外有好多配菜，金菇，豆腐，娃娃菜，冬菇，火鍋仔都配有稻庭烏冬，烏冬煙韌彈牙
✨日本茄子$14
✨秋葵$12
✨日本青椒仔$18
✨日本迷你甜薯$12
✨紫蘇雞肉$18
✨煙熏豚肉$22
✨多春魚$12
✨豚肉韭菜卷$24
✨免治鷄肉（日本南部鷄）$18
✨煙肉蠔卷$24
串揚喺大阪名物，但香港唔係好多地方食到，炸粉整得好薄，每件都炸到兩面金黃，自己最鍾意食係煙燻豚肉，煙熏味好濃，雞肉串非常嫩滑，juicy 有肉汁，蔬菜串揚都好出色，炸完都可以保留蔬菜本身嘅鮮甜味，蠔脹卜卜而且好鮮甜，一啲都唔油膩，所有串揚點埋醬汁一齊食更惹味
✨炸魚骨$20
餐廳超細心，連Chau都與魚骨都炸埋比客人一齊食，魚骨炸完好似薯片咁脆
✨吉列大虎蝦3隻$198
今餐飯最期待嘅一個菜式，吉列炸物係餐廳最大嘅賣點，新鮮蝦配上麵包糠一齊做吉列炸物，香脆鬆化，爽口鮮甜，肉質彈牙，配埋沙律醬或吉列醬汁一齊食一流
✨椰子雪葩$58
最後食埋佢嘅甜品🍧，椰子味非常濃郁，雪葩口感細滑
Post
