FireBird

Open Now

Now Closed

環境5分：日式居酒屋同西式餐廳嘅混合體設計，有個開放式廚房可以望住廚師喺度燒串燒，可以畀五分。衛生5分：張枱有個櫃桶放Ｄ餐巾紙，非常周到同方便。放筷子嘅鯨魚仔尤其得意。抽油煙方面做得幾好，食完件衫冇油煙味，一樣五分。服務5分： 服務員快手快腳，態度好，唔囉唆，滿分。味道4分：1)      日本產鯛刺身同壽司，有十片刺身同兩嚿壽司，魚生片鮮甜新鮮，點Ｄ醋加wasabi就更加開胃。2)      厚切牛脷串燒，一個order有兩串，燒完之後都非常之淋，牛味都算濃。3)      餐廳寫到明用日本產元氣雞，所以叫左個串燒拼盤同雞翼。雞翼燒到啱啱好，外脆內嫩。可能係日本產關係，覺得好食過平時Ｄ雞翼。4)      串燒拼盤有五條串燒，最好食果串自家製免治雞肉捧十分之脆嫩，加埋另上隻鮮蛋黃就特別滑。串長蔥雞肉Ｄ肉好爽好甜。雞尾七里香串就最最最野味。雞胸呢就有Ｄ鞋，所以要扣一分。秋葵濕濕地都好爽脆。5)      三代目軟殼蟹沙律除左軟殼蟹，仲有羅馬菜，紫椰菜，蛋，芝士，紅椒，黃椒，牛油果，蘋果同青瓜，清爽豐富。6)      醬油燒飯團，豉油味濃但又唔係好鹹，食完舊飯團就非常之飽啦！抵食4分：