Video
Read full review
2022-09-20
1197 views
好耐冇食拉麵，有朋友介紹港運城地下呢間裝潢極具東瀛風味嘅拉麵居酒屋「三代目」。店內佈置充滿日式風情，環境以紅黑色調為主，用餐大堂設有吧檯及高凳，配上開放式廚房，可以令廚師同客人拉近距離。餐廳主打拉麵，另外亦有拌麵、丼飯、炸物、燒物、一口壽司等美食提供。我哋揀咗兩款拉麵、燒油甘魚鮫 同 鰻魚雙霸。至於飲品就選了白桃梳打 ($38) 及 荔枝焙茶 ($38)，前者係由山梨縣和長野縣桃汁製成的梳打飲品，入口帶桃子特有嘅濃郁香氣；而焙茶嘅味道亦自然回甘，帶荔枝清香。紫蘇燒豚梅肉拉麵 ($98) 先嚐一口每日以新鮮豚骨熬製超過 10 小時嘅湯底，味道果然與別不同，不但濃郁豐厚，而且非常鮮甜，絕對係味覺嘅一大享受。豚肉採用了豬肉部位中最靚嘅梅肉，食落肉質好軟嫩，肥瘦筋分佈平均，加上表面先經過炙燒，釋出油份，再塗上紫蘇汁，入口帶陣陣清新香氣，中和了油膩感。另外呢碗炙牛拉麵 ($92) 水準亦一流，牛肉充滿油脂芳香，質感柔軟，加上以黑胡椒炙燒過，入口帶胡椒辛香，倍添滋味。湯底濃郁不膩，麵條彈牙，再配以溏心蛋和蔥花，令人吃得很愜意。燒油甘魚鮫 ($108) 魚鮫燒得啱啱好，肉質滑嫩有彈性，脂香骨膠
好耐冇食拉麵，有朋友介紹港運城地下呢間裝潢極具東瀛風味嘅拉麵居酒屋「三代目」。
店內佈置充滿日式風情，環境以紅黑色調為主，用餐大堂設有吧檯及高凳，配上開放式廚房，可以令廚師同客人拉近距離。
餐廳主打拉麵，另外亦有拌麵、丼飯、炸物、燒物、一口壽司等美食提供。我哋揀咗兩款拉麵、燒油甘魚鮫 同 鰻魚雙霸。
至於飲品就選了白桃梳打 ($38) 及 荔枝焙茶 ($38)，前者係由山梨縣和長野縣桃汁製成的梳打飲品，入口帶桃子特有嘅濃郁香氣；而焙茶嘅味道亦自然回甘，帶荔枝清香。
紫蘇燒豚梅肉拉麵 ($98) 先嚐一口每日以新鮮豚骨熬製超過 10 小時嘅湯底，味道果然與別不同，不但濃郁豐厚，而且非常鮮甜，絕對係味覺嘅一大享受。
豚肉採用了豬肉部位中最靚嘅梅肉，食落肉質好軟嫩，肥瘦筋分佈平均，加上表面先經過炙燒，釋出油份，再塗上紫蘇汁，入口帶陣陣清新香氣，中和了油膩感。
另外呢碗炙牛拉麵 ($92) 水準亦一流，牛肉充滿油脂芳香，質感柔軟，加上以黑胡椒炙燒過，入口帶胡椒辛香，倍添滋味。湯底濃郁不膩，麵條彈牙，再配以溏心蛋和蔥花，令人吃得很愜意。
燒油甘魚鮫 ($108) 魚鮫燒得啱啱好，肉質滑嫩有彈性，脂香骨膠四溢，入口一點也不腥。
另外呢客鰻魚雙霸 ($128) 亦令人十分期待，上桌時見到碟上擺放了白燒鰻魚串同蒲燒鰻魚各一，賣相非常吸引，叫人食指大動。白燒鰻魚串外焦香、內軟嫩，入口肥美肉厚，保留了原始魚味。至於蒲燒鰻魚亦脂肪豐盛，肉質軟綿，加上香甜嘅醬汁，令人食慾大增。
另外餐廳設有清酒放題，每位只需 $188 就可以任飲 9 種清酒，下次要相約「酒鬼」好友一起來品嚐。
Post
