碗盛 (Closed)

之前朋友推介呢間簡約木系日式餐廳，仲話有榻榻米房，不過坐房好似有最低人均消費，呢日放工就黎一戰🤓▪️豚肉豆腐雜菜鍋 （7/10）💲116豚肉肥瘦均勻，不過要留意唔好煮太耐會老🙈另外仲有好多配料，特別值得一提既係有比較少見滑身Q彈既蒟蒻粉，其餘算係大路野，包括腐皮、金菇、蘑菇、冬菇、蘿蔔、椰菜、娃娃菜、大蔥、豆腐，壽喜燒湯底鹹甜適中，整體都夠入味🤫▪️火炙醋鯖魚沙律（7.5/10）💲86平時食鯖魚多數都係全熟，但呢個係呈半生熟狀態，有輕輕火炙過，都唔會話腥，配上切粒蕃茄同埋提子，再加上黑醋幾清新🐟▪️北海道薯蓉芝士年糕（7.5/10）💲38外層係薄薄既炸皮，咬落有軟糯煙韌年糕同埋粉身薯蓉，包裹住滿滿既流心芝士，富有濃郁鹹香，配上沙律醬減低肥膩感好夾🧀️▪️錦上天婦羅拼盤（7/10）💲88炸粉頗為薄身，食落乾身微脆，無咩油溢感🍤有蝦、南瓜、蕃薯、茄子、冬菇，不過蔬菜味道較淡，要靠個調得唔錯既鰹魚汁🫣▪️日本清酒煮蜆（7.5/10）💲68蜆肉大粒飽滿，個湯底又幾清甜😌▪️芝士白汁帆立貝焗迷你南瓜盅（7.5/10）💲88一個超得意既迷你南瓜盅，面頭既芝士白汁焗到帶拉絲效果，濃稠但會略鹹，帆立貝口感鮮嫩唔韌，