Video
Read full review
2024-07-02
35 views
📍太子 禮之前食過呢間居酒屋喺九龍城嘅分店，覺得好有去左日本嘅感覺，今日嚟到太子附近想搵嘢食，見到呢間居酒屋原來喺太子都有分店，又同朋友相坐低坐定定傾一陣偈，所以就揀咗呢間居酒屋，睇吓佢另外一間分店嘅質素如何。酒盗芝士呢度菜係有一粒粒切好咗嘅芝士加埋類似豆瓣醬嘅醬汁，加落好脆嘅餅乾上面，之前喺其他居酒屋都未見過有，今次第一次食，味道好有驚喜，作為開胃菜非常之好。燒鱈魚乾佢嘅鱈魚乾燒到好脆，而且啱啱燒好，所以熱辣辣入口好香口。媽媽鹹蛋豬肉棒燒腩肉秋葵串醬汁燒豚肉串京蔥雞肉串接下落嚟我哋叫咗一系列嘅串燒，佢嘅串燒都係即叫即烤，所以好熱辣辣同埋好香。佢嘅京蔥雞肉串最有驚喜，雞肉咬落去好嫩滑，而且京蔥好有咬口，配合起上嚟口感非常豐富。雞軟骨雞軟骨不嬲都係我嘅最愛，佢嘅雞軟骨加埋檸檬汁令到雞軟骨個味提升咗，而且酸味味咁好開胃。唐揚炸雞（原味）佢嘅炸雞份量超多，而且肉質都好嫩滑，配埋沙律醬同檸檬汁，食完一碟幾乎已經飽咗😹。蒜蓉燒室津生蠔佢呢一款生蠔加上咗大量嘅蒜蓉喺面，本身一上菜已經好香，而且佢嘅生蠔都好新鮮，肉質都好爽口。蟹肉蟹膏甲羅燒佢嘅羅燒係含有蟹籽、蟹肉、同埋蟹膏，加埋日本蛋一齊，配上餅乾
之前食過呢間居酒屋喺九龍城嘅分店，覺得好有去左日本嘅感覺，今日嚟到太子附近想搵嘢食，見到呢間居酒屋原來喺太子都有分店，又同朋友相坐低坐定定傾一陣偈，所以就揀咗呢間居酒屋，睇吓佢另外一間分店嘅質素如何。
酒盗芝士
呢度菜係有一粒粒切好咗嘅芝士加埋類似豆瓣醬嘅醬汁，加落好脆嘅餅乾上面，之前喺其他居酒屋都未見過有，今次第一次食，味道好有驚喜，作為開胃菜非常之好。
燒鱈魚乾
佢嘅鱈魚乾燒到好脆，而且啱啱燒好，所以熱辣辣入口好香口。
媽媽鹹蛋豬肉棒
燒腩肉秋葵串
醬汁燒豚肉串
京蔥雞肉串
接下落嚟我哋叫咗一系列嘅串燒，佢嘅串燒都係即叫即烤，所以好熱辣辣同埋好香。佢嘅京蔥雞肉串最有驚喜，雞肉咬落去好嫩滑，而且京蔥好有咬口，配合起上嚟口感非常豐富。
雞軟骨
雞軟骨不嬲都係我嘅最愛，佢嘅雞軟骨加埋檸檬汁令到雞軟骨個味提升咗，而且酸味味咁好開胃。
唐揚炸雞（原味）
佢嘅炸雞份量超多，而且肉質都好嫩滑，配埋沙律醬同檸檬汁，食完一碟幾乎已經飽咗😹。
蒜蓉燒室津生蠔
佢呢一款生蠔加上咗大量嘅蒜蓉喺面，本身一上菜已經好香，而且佢嘅生蠔都好新鮮，肉質都好爽口。
蟹肉蟹膏甲羅燒
佢嘅羅燒係含有蟹籽、蟹肉、同埋蟹膏，加埋日本蛋一齊，配上餅乾食，又係一道好有驚喜嘅菜式。
薯上白雪
超甜嘅番薯，加上香濃嘅牛奶雪糕，簡直令成餐飯畫上完美既句號。而且番薯暖暖地，配上啱啱喺雪櫃拎出嚟嘅雪糕，等佢溶咗一陣之後，融為一體嘅感覺令成個甜品好有層次。
月見醬唐揚飯團
佢呢個飯團面頭好香脆，入邊又好香醬油味，配埋幾粒炸好咗嘅蒜頭，都係一道非常特別嘅菜式。
Post
