深宵食堂

Open Now

Now Closed

日式居酒屋style小店，主打串燒同炸物呢類送酒小食，有啤酒同清酒供應，適合一班朋友談天說地。串燒揀左幾款，全部都好食！豬腩肉好香，調味啱啱好，秋葵燒完但1d都唔乾。炸物都揀左幾款，炸雞翼好好食，一咬落去好多肉汁，又香又脆，牛肉薯餅就相對普通，但都係好食嘅！淨係食小食怕唔夠飽，佢地有幾款飯類供應，我地揀左鵝肝飯同豚肉生姜飯。鵝肝飯好好食，雖然個飯油左少少，但好香鵝肝味。豚肉生姜飯我覺得比較普通，豬肉有啲肥，但同行朋友覺得豚肉生姜飯好出色，真係各人唔同口味😂不過我覺得呢間餐廳整體都幾好食，係份量有啲少，要叫多幾碟先夠食，但就算叫多幾碟價錢都唔貴，所以絕對會回頭！