麵屋神匠

Open Now

Now Closed

呢間係油麻地地鐵站附近既拉麵店都幾吸引，出面已經見到掛滿紙燈籠，裝修好有特色🥰見到店鋪主打蝦湯底既拉麵/沾麵，我地就兩款都有嗌黎試下。 1⃣️濃厚蝦湯拉麵（$98）配料有筍、蔥、溏心蛋、紫菜、慢煮叉燒。首先一黎到先試下湯底，哇😳真係好濃郁既蝦味～鍾意蝦湯底既人一定要黎試下！另外呢度既叉燒都係好正，慢煮呈粉紅色，食落幾嫩，而且大大塊，肥瘦相稱，成碗拉麵都幾出色😋  2️⃣濃厚蝦湯沾麵（$118）個沾麵更加吸引🤩第一眼係比個羅勒醬法包吸引住目光👀第一次見日式沾麵配上咁西式既小食～法包好脆，面頭搽上薄薄一層羅勒醬，風味十足，就咁食或者點沾麵汁食都唔錯☺然後重點個沾麵汁，比起拉麵既更加濃郁～面頭有大量櫻花蝦，麵條沾上沾麵汁既同時會沾到啲櫻花蝦，個麵同個汁配合得夠好夠掛汁之餘，連埋櫻花蝦一齊食，令蝦味更加特出🤤呢個沾麵絕對算得上係我食過既蝦沾麵入面頭幾位！值得一試！  3⃣️法包配羅勒醬（$28）因為見到呢個小食好特別，朋友都想試下，所以雖然沾麵到本身有配呢個法包，我地都再散嗌左碟食。一碟有四件，夠脆，而且真係好有特色！