極尚大瀛喜日本料理

Open Now

Now Closed

今日去咗元朗食放題~ 平時都係通常食大喜屋，已經一段時間冇食過大瀛喜，今次整體好有驚喜覺得刺身比之前新鮮，而且粒貝同埋鮑魚都係好新鮮，好好味！粒貝上盤嘅時候係切左片再擺返落去，而鮑魚好入味好腍～刺身推薦食呢兩款！今次嘅熟食都好唔錯，蟹粥好多蟹膏～炸鮮奶好好食好脆，乳鴿都係脆卜卜，炸芝士年糕同雞翼都係熱辣辣。壽司手卷方面，仲有海膽手卷添。飲品方面都好多選擇，最正係有zero忌廉鮮奶，除咗罐裝飲品之外，仲有啲健康飲品，例如烏龍茶嗰啲一支支，仲有if椰青水~外面仲有啲前菜，例如中華沙律同埋帶子裙邊幾好食！今次完全冇漏單，上菜都幾快！