Video
Read full review
2019-07-11
87 views
餐廳：石亭居酒屋 (尖沙咀)地址：尖沙咀赫德道地下11C號舖最近比較少食日本菜，喺網上搵搵下見到尖沙咀有間居酒屋有唔少嘅好評，雖然價錢好似貴左少少，但係睇整體嘅評價都唔錯，所以去開尖沙咀果邊就決定去呢間叫石亭嘅居酒屋食個晚飯居酒屋唔大，唔好以為代表無客，未到7點鐘就坐滿哂十幾枱嘅客人，而且居酒屋嘅佈置相當有日本風味，食物嘅貴除咗要有好食嘅食物之外，環境都已經值呢個價錢刺身拼盤由於刺身種類繁多，於是索性叫餐廳師傅幫我地執個刺身拼盤，有海膽、象拔蚌、貝柱、鯛魚、油甘魚、吞拿魚赤身、牡丹蝦海膽係新鮮嘅橘黃色，無腥臭味，伴隨少少海水同甜香，入口滑而不膩，亦唔會苦澀象拔蚌鮮嫩多汁，韌韌地得黎係爽口滑溜牡丹蝦肉質鮮甜蝦味濃而且無蝦腸龍蝦沙律居酒屋嘅熱賣食物之一，每一啖都係龍蝦肉，肉質厚實有彈性，加上沙律醬同蟹籽等令龍蝦不再dry，口感亦都大大提昇，不過啖啖肉真係好過癮白手天婦羅 (河豚)第一次食河豚肉，幾易入口，魚味鮮而突出，而且入口即溶，天婦羅嘅外層薄而脆，唔會食到成口都係粉或者覺得好厚，係我食過嘅天婦羅入面比較出色嘅燒物/串燒除左刺身同天婦羅，都叫左啲熟食，有和牛串燒、鹽燒白鱔、青椒豚肉卷、露
地址：尖沙咀赫德道地下11C號舖
最近比較少食日本菜，喺網上搵搵下見到尖沙咀有間居酒屋有唔少嘅好評，雖然價錢好似貴左少少，但係睇整體嘅評價都唔錯，所以去開尖沙咀果邊就決定去呢間叫石亭嘅居酒屋食個晚飯
居酒屋唔大，唔好以為代表無客，未到7點鐘就坐滿哂十幾枱嘅客人，而且居酒屋嘅佈置相當有日本風味，食物嘅貴除咗要有好食嘅食物之外，環境都已經值呢個價錢
刺身拼盤
由於刺身種類繁多，於是索性叫餐廳師傅幫我地執個刺身拼盤，有海膽、象拔蚌、貝柱、鯛魚、油甘魚、吞拿魚赤身、牡丹蝦
海膽係新鮮嘅橘黃色，無腥臭味，伴隨少少海水同甜香，入口滑而不膩，亦唔會苦澀
象拔蚌鮮嫩多汁，韌韌地得黎係爽口滑溜
牡丹蝦肉質鮮甜蝦味濃而且無蝦腸
龍蝦沙律
居酒屋嘅熱賣食物之一，每一啖都係龍蝦肉，肉質厚實有彈性，加上沙律醬同蟹籽等令龍蝦不再dry，口感亦都大大提昇，不過啖啖肉真係好過癮
白手天婦羅 (河豚)
第一次食河豚肉，幾易入口，魚味鮮而突出，而且入口即溶，天婦羅嘅外層薄而脆，唔會食到成口都係粉或者覺得好厚，係我食過嘅天婦羅入面比較出色嘅
燒物/串燒
除左刺身同天婦羅，都叫左啲熟食，有和牛串燒、鹽燒白鱔、青椒豚肉卷、露荀豚肉卷同冬菇
和牛非常軟腍，牛味鮮明，燒得好香，調味後令和牛惹味指數大大提升
白鱔雖然係鹽燒但唔會好鹹，完全無骨，令好怕食到骨嘅我食得好放心，白鱔皮骨膠原指數好高、有勁道，燒過後帶點香脆
整體黎講，無論係環境、食物質素同服務都唔錯，性價比幾高，鍾意食日本菜嘅唔可以錯過
Post
