Hungry Monkey (金朝陽中心二期 - Midtown)

Open Now

Now Closed

音樂好有happy hour感覺，氣氛輕鬆，適合同朋友聚會傾計。辣酒凍風螺👍🏻螺肉爽口，辣酒夠晒入味，出色嘅開胃前菜。松葉蟹肉甲羅燒好多蟹肉，配上青瓜一齊食, 多咗香脆嘅口感，亦都減輕咗膩嘅感覺。蟹膏味道好香，仲有兩個松葉蟹鉗，好有誠意。章魚御好燒😍賣相一流，調味啱啱好，推介之選。松葉蟹肉海膽炒飯👍🏻好多蟹肉鋪喺面，味道夾得啱啱好。厚燒牛舌真係好厚切，但我唔太鍾意食牛舌，所以只有淺嘗一下。比目魚配上泰式辣醬，好特別，魚肉嫩滑，熟度啱啱好。之前去過其他分店，食物水準都唔錯，保持一致。呢度最特別係個超大梳化位，係一個好舒服嘅飲嘢聚會好地方。