茶涮涮 (Closed)

今日我要同大家分享一個值得一試嘅火鍋店！佢嘅犇盛合套餐火鍋絕對係一個幾高性價比嘅選擇！首先，湯底我揀咗高山龍井鰹魚昆布湯鍋，啖啖湯底都帶嚟昆布嘅鮮味！真係嚟到就想飲晒個鍋底先嚟個前菜刺身三點，嗰三款新鮮嘅生魚片好鮮美，一啖入口，肉質鮮甜！再嚟個蟹肉沙律，啲蟹肉鮮嫩爽口，淋上微微酸甜嘅沙律醬汁，真係令人食到好開胃！唔好忘記試下佢嘅海鮮拼盤，有野生虎蝦、特選帆立貝同時令海魚！啲海鮮新鮮彈牙，但係記得唔好煮太耐！食完海鮮，嚟下肉拼盤！澳洲一級肉眼同美國精選安格斯牛小排同埋牛五花，每塊肉都肥瘦均勻，肉質鮮嫩多汁，入口即溶！仲有無激素春雞，啲雞肉彈牙有口感，只要煮得岩岩好，真係幾正！另外，佢嘅季節野菜盤同稻庭烏冬都好岩打卡！啲蔬菜嘅係時令新鮮蔬菜，每日都唔同，加入火鍋中更增添咗一份健康嘅風味。而稻庭烏冬嘅口感幾彈牙！最後嚟到最後嘅甜品，今次既甜品係雪榚！分別係芝麻同vanilla，質地都算綿密細滑．總括而言，呢間火鍋店值得一試！食物都幾新鮮，加上環境同服務都幾舒適。