和牛蕃 (Closed)

高質日式燒肉午餐 食物同環境都滿意 會再訪既餐廳名單！餐廳既側門好靚 充滿日式和風色彩。我地4人黎食lunch，叫左3個燒肉set同埋一款signature 和牛飯share食。Lunch set日山A5和牛&美國牛舌 $248澳洲肩胛肉 $158西班牙豬腩肉 $148睇d肉新唔新鮮顏色色澤最易睇，鮮紅色又粉嫩。最令我有驚喜既係日山A5和牛，雪花分佈均勻，入口好嫩，有幸福感，下次黎要叫全份黎食，今次淺嘗。牛舌都爽口，唔知有冇女生都中意食牛舌呢！西班牙豬腩肉肥瘦平均，係爽口嫁，豬肉要燒熟d，燒到7-8成熟再剪開細細條容易食。牛肉簿切所以要好專心咁燒 唔係好快就變牛肉乾😂 我係燒肉果方面都幾拿手嫁！擺得靚靚地快速影張相先。套餐仲包括田園沙律、湯、泡菜、溫泉蛋及甜品，幾豐富，食到好飽。日山A5和牛免治肉飯配太陽蛋 $138哩個和牛免治漢堡特別推介！好林，個醬汁好入味，好厚身添，配飯太陽蛋簡單又好味。飯後甜品係消暑一流既菠蘿雪葩，清甜，好完滿既一餐。