岩盤牛扒ミディアムレア ステーキ (北角匯三期)

Open Now

Now Closed

真心覺得唔錯，值得推薦！平時經過以為好貴，但係睇真啲個餐牌其實價錢好合理，以後會再黎幫襯。2個人食午餐，叫咗個牛柳+黑豚梅花肉餐，同一個燒牛肉丼餐，每個餐都跟麵豉湯同沙律，份量啱啱好，食完剛剛好8成飽，非常滿足。攞嘢食時個職員會教你點樣食，佢提醒啲燒汁唔好淋落個鐵板度，而係俾啲肉點黎食。首先個沙律有驚喜，芝麻醬調配得啱啱好，沙律菜包括椰菜絲都好新鮮爽口，一開始就有個好印象。牛柳+黑豚梅花肉肉質柔軟，特別塊牛柳熟嘅程度啱啱好，裏面仲有少少粉紅色，食入口煙煙韌韌，配埋個柚子燒汁撈飯食，簡直一流！燒牛肉丼嘅燒牛肉稍為有啲硬，但係佢味道唔錯，反而最好味係個洋蔥，索晒啲汁，又唔會太腍，食落口仲有少少爽。最後加$15要多4粒雪糕糯米糍，味道一般，可以唔叫。