祥利車仔麵 (創業街)

Open Now

Now Closed

「 祥利車仔麵 」係一間喺牛頭角新開嘅車仔麵店。依間麵店嘅裝修同一般嘅港式車仔麵店唔同，齋睇裝修會以為係一間Cafe。麵店嘅裝修係走日式無印風，簡約嘅木系傢私，大大面嘅落地玻璃窗，明亮溫暖。不過冷氣唔係好夠，又係開放式廚房，會有啲熱。車仔麵嘅選擇都幾豐富，有黑蒜汁、拉麵、稻庭烏冬、日式叉燒、秋葵等偏日式嘅食材可以揀。除咗有車仔麵，都有飯食。個6格定食好豐富，有豬軟骨、醉雞中翼、蘿蔔、蠔皇花菇、花膠湯同湯烏冬，賣相幾好之餘都幾好食，尤其個花膠，大大塊又厚身，好足料！有個9格嘅定食仲豐富，不過晚市時間先至供應。至於嘢飲就普普通通，有少少淡口。