祥利車仔麵 (創業街)

Open Now

Now Closed

呢間車仔麵嘅位置雖然唔係好方便，今次咁啱經過見到有幾個人排隊就過咗嚟試吓，覺得唔錯😊😊雖然餐廳格局比較細嘅同埋迫少少，但係整體環境整潔😊😊今次試咗佢哋嘅胡椒湯配豬大腸雲吞米粉，湯底濃郁香濃，感覺上好似飲緊胡椒豬肚湯😋豬大腸雲吞米粉都幾好味，豬大腸煮得軟熟，雲吞彈牙多汁，米粉入味😊😊 佢嘅份量唔係特別大，食完之後大概7分飽，有需要嘅話可以揀加底另外佢仲有個招牌花膠車仔麵，朋友試咗話都OK，下次可以試吓

早餐兩餸麵$36已係唔平，就當你正常價，但加一餸佢寫加$8還是$12喎（呢一刻忘了），好貴喎，我知叫秋葵多數都得兩至三條，但我諗就算叫火腿可能都只會一片，但問題係碗通粉係超級細碗，倒左湯如圖得半碗都冇，平時其他通粉都大碗和食得飽，就算大快活碗細通粉都會有少少飽囉，佢呢碗女仔食完都完全冇飽過，仲要外賣盒加$2，又唔係特別好食，都係冇味湯水浸，冇下次。

觀塘平靚正車仔麵女朋友喺觀塘返工，我咁啱得閒出去陪佢食lunch。估唔到佢竟然帶我去食車仔麵。依間祥利車仔麵內部環境都乾乾淨淨，都算多附近打工仔去。佢價錢中等，車仔麵$50-$60不等。我叫咗碗辣嘅叉燒、糖心蛋、生菜粗麵。加杯熱日式炭燒咖啡。咖啡唔錯好港式。佢碗麵講真唔算大碗，我女朋友食就夠飽，我食完就仲想食小食先夠飽…… 佢勝在真係上菜夠快，價錢算平。食物質素方面就不話不失啦。推薦指數：💛💛💛

呢間祥利車仔面，鋪面細細，人多多，無論係中午定晚上時間去都係冇位，次次去到都食唔倒佢個招牌養顏面，今次再晚d成九點先去都係無，叫我明天請早..🥲😳😳不過其實佢其他餸都唔差嘅，猶其是個半熟糖心蛋、秘製豬手同秘製魷魚，因為我差唔多款款都試勻曬，除左個花膠，睇黎我同佢真係冇緣份😅講返今次我叫左d咩餸先，今次我叫左聲稱係人氣之選嘅日式义燒，配埋羅白同唐生菜🥬，算食得比較清，而且個豬骨湯底同油面都算夾，三十幾蚊可以幻想下自己食緊拉面🍜算係咁啦😀😀

午市堂食。入座前已落單。5分鐘後俾張印單我。印單後再等25分鐘先有麵到。唔計等位時間，食車仔麵落單後要等30分鐘，效率之高應該可以冠絶呢個界别。與飯腳分别叫咗豬骨同雞湯，加腩汁，油麵。豬皮，蘿蔔，大腸，魚蛋，雞翼，魚皮餃。兩款湯嘅共同之處都係冇乜味，亦唔襯車仔麵。油麵質地似日式拉麵多過似正常油麵。好同意樓上所言，d 大腸同雞翼都滷得好深色好靚，但係其實接近完全冇味。魚蛋質地ok, 但係都係冇乜味，除咗雪味。豬皮味正常，不過好淋同得好少。魚皮餃正常，蘿蔔嘅質同量都好。可讚嘅係店員好有禮貌，亦令呢間食肆更加唔似一間車仔麵檔。

公司在創業街，食過好多次了，職員很有禮貌，做野很勤快，但是美中不足我今次外賣雞軟骨飯沒有提供沙律醬，真是很氣人！！！！！他lunch時間都好忙，費是打去投訴 ，而且我已經拎左返公司，只能忍住慢慢吞下去😭真是好慘無醬點。

鹽燒雞軟骨睇食評話好正，結果似炸多啲，仲要炸得好硬嗰隻，而且鹹。份量係算多，但係唔好食。車仔麵叫咗四餸，雞翼尖、豬軟骨、秘製魷魚、糖心蛋。 全部都睇落滷到好入味因為顏色夠黑，結果一啲味都冇。除咗糖心蛋係一粒，每款餸到只有兩舊，連雞翼尖都係得兩隻（真係第一次食車仔麵雞翼尖得兩隻）外賣自取兩餸車仔麵咁揀，實際連嗰兩餸每款都要加錢四個餸都無味，糖心蛋拎返公司已經熟咗，如果知道自己啲湯咁熱嘅話，分湯就應該分埋隻糖心蛋。雞湯，啲食評話正，但係加埋中辣都係冇味，好油。河粉碎濕濕，一舊舊。唔識欣賞。睇相係唔錯，份量唔多但真係食唔到一半放棄咗

今日一個人去祥利lunch 食碗車仔麵加杯奶，偏偏遇上了有蚊的碗麵不會再來了，間鋪咁多蚊。 服務還可以啦。 但本人只是食個lunch麵， 就遇上浸著蚊子，可想這間鋪有多衛生

諗來諗去唔知食咩好! 最初以為係日式嘢, 原來有車仔麵食, 舖頭細細但環境唔算差! 所以走入去試試, 車仔麵揀咗粗麵, 湯底雞湯 (腩汁同小辣), 因為驚個雞湯唔夠味, 結果估唔到加咗腩汁同辣, 都仲有雞湯味, 真心唔錯, 下次一定再試雞湯但唔加汁, 餸揀咗豬紅, 秘製魷魚, 雲吞,呢三個餸又唔差喎, 加一個小食 : 炸燒賣, 一嚟到熱辣辣, 熱嘅時間似食梗魚蛋feel. 但等一陣冇咁熱食就似返燒賣, 呢個又係幾正, 唯一唔太欣賞加10蚊嘅特飲凍燕麥奶茶比較普通 ! 一定要再支持食多幾次! 希望繼續keep住水準!👍

車仔麵好好食😚 湯底超濃好入味，必叫原件花膠同豬皮🤤花膠好大塊，骨膠原滿滿。而且同豬皮一樣非常吸汁，一齊食同事食到湯底嘅鮮甜味。呢度除咗麵食，下午茶仲有茶餐廳最受歡迎嘅西多士同埋炸雞髀食🤤兩樣都即叫即炸，超香脆🤤西多士可以揀咖央同花生，搭配牛油楓糖漿一齊食，非常夾味。而炸雞髀好juicy😚隻髀仲同隻碟一樣大，好好打卡😆

我喺香港搵到一間車仔麵唔難，不過要高質素既就……（呢日去食既呢間車仔麵真心高質 😃😃）呢日去左位於觀塘既祥利車仔麵，座位唔算多，當然要試埋啲嘢食先判斷間嘢係咪掂啦（大家睇埋落去 唔好行開呀🧸）👉🏻秘制魷魚$16啲魷魚好爽，帶有少少辣，好惹味😆👉🏻日式叉燒$16正常一間車仔麵好少可會撈埋啲日式嘢，呢間就加左日式叉燒，塊日式叉燒好食，唔會太淋，啱啱好😋👉🏻蓮藕片$10蓮藕片爽脆，正常，無特別。👉🏻魚皮餃$10魚皮餃細細粒，好食☺️👉🏻魚肉春卷$10魚肉春卷正常，無特別。☺️P.S每碗車仔麵都有塊生菜調劑下，抵讚👍🏻

呢個車仔麵同細個食傳統果d好唔同呢間既餸 / 湯底 似係食日式車仔麵咁有日式叉燒 麵底有稻庭烏冬或者拉麵湯底 可以揀雞湯或者豬骨湯見到佢仲有花膠不過我冇揀到我揀左日式叉燒幾好食 配雞湯 + 大辣不過辣汁揀咗大辣 都冇乜辣味 對我來講就完全唔辣😅至於揀返傳統車仔麵嘅餸例如魚蛋豬腸我就覺得普通豬紅同蘿蔔都幾好反而依家我覺得最好食嘅係鹽燒雞軟骨呢個小食係好出色 車仔麵就普普通通 ok la兩碗四餸麵加一份小食 around $150

今日咁岩黎開觀塘呢邊，係牛頭角地鐵站附近見到呢間裝修幾清新，白色同木色為主調既餐廳，行埋去原來係食車仔麵就一於試下！！車仔麵最少兩餸起，每位最低消費$30 🍜麵食:1️⃣ Total $52湯底：雞湯汁底：腩汁，小辣汁麵底：米線$12餸：秘製魷魚 $16，豬大腸$12，芝心獅子狗$12+冷泡茶樽裝+$142️⃣Total $83湯底：豬骨湯汁底：腩汁，小辣汁麵底：河粉$12餸：日式叉燒$16，肥牛$12，香腸$9，唐生菜$12，仿長腳蟹棒$12，墨丸$10🍗小食：炸燒賣 $20酥炸雞中翼 $46/5隻整體覺得呢個位置黎講都幾貴，同餸既份量唔算多，湯底冇乜特別，亦唔濃，米線麵質係相對彈牙挺身個種，唔錯😉 配料中日式叉燒較為出色，魷魚整得好淋同好夠辣，芝心獅子狗芝士味好濃！其他味道都係平平，豬大腸同墨丸就比較失望。炸物反而比較好食，真係好熱炸到脆卜卜上👍🏻

睇YouTube 見人讚，迷路左3次 今次終於識得牛頭角地鐵站 行去，Youtube 講到咁專業 所以叫左個6宮格，6～70蚊左右 外賣，因為9宮好似貴左少少。糖心蛋好食，個湯有花膠，選擇食麵 麵質 夠滑，但冬菇 唔夠諗 差少少 味道比我屋企食開 都差少少 有花雕醉雞翼，其他食物 食完 我已經唔記得係咩？不過有幾舊肉燜得好諗 好入味。個湯有少少失望 可能我成7點幾先去到 本似為 closed 但有開，個湯好水下 好似落多左salt 鹹左少少。似收工就快無野賣 加水落salt再整咁。

呢間算係觀塘2021年新開嘅車仔麵店，事緣因為減緊肥，所以唔想食麵底，去幫襯車仔麵就啱晒，可以淨係叫菜+餸！呢間祥利車仔麵係行新派的路線，裝修風格都幾小清新！雞湯 日式叉燒 糖心蛋叉燒冇咩驚喜，而且份量唔算多，不過冇叫麵底，食車仔餸，糖心蛋冇得難食，應該唔似係自家製。牛肋條 蘿蔔 魚腐 (黑咖哩+中辣汁)牛肋條好淋，蘿蔔同魚腐都好入味，吸曬啲湯，咬落去口感好多層次。不過黑咖哩湯底完全冇特別，滿心以為黑咖哩係會唔同，其實都係辣湯底咁，冇咖哩感覺。豬軟骨 腩肉 (腩汁)湯底一般，係預計之內嘅味道，不過豬軟骨同腩肉好好味，份量都唔錯，而且係厚厚幾塊。美中不足就係麵底比較少，朋友要加底先夠食。胡麻醬秋葵 HK$24多麻醬，好好食。鹽燒雞軟骨 HK$28最出色嘅食物，勁好食，想叫多份。焙茶奶茶味道偏淡凍頂烏龍白桃烏龍整體黎講CP值還好，不過都算係一個觀塘新嘅選擇，因為車仔麵/車仔餸好自由選擇食物內容加上湯底有雞湯揀，值得一讚，唔係好多地方有雞湯揀。