灜鐵板燒

Open Now

Now Closed

好鍾意食鐵板燒嘅我，之前已經試過無數咁多間，但我覺得最有代表性嘅係喺尖沙咀海防道嘅瀛鐵板燒！等我介紹下佢嘅嘢食，等大家知道，佢有咩咁吸引！😍💯黃金銀鱈魚🐟銀鱈魚嫩滑多汁，味道鮮甜。再加埋火炙咗之後好濃郁嘅鹹蛋黃，味道非常惹味！廚師將魚煎到非常香脆，再配埋軟綿綿嘅鹹蛋黃喺面。口感好有層次😍💯辣汁魔鬼魚🐠第一次食魔鬼魚，睇住廚師將魔鬼魚塊用錫紙包住， 再加入辣汁放喺鐵板上面燒。魚肉非常Juicy, 而且味道辣辣地同非常鮮味。魔鬼魚嘅肉質彈牙，而且有一層口口嘅皮喺面，有啲似花膠嘅質感。非常好味😍💯海鰻干🦈賣相似雞泡魚乾，口感比較淋，冇雞泡魚乾嘅煙韌。但放喺鐵板上面燒，加埋少許嘅調味料。除咗有好濃郁嘅魚味之外，味道仲十分惹味！👍🏻💯黃金海虎蝦🦐蝦肉非常鮮甜，而且廚師將虎蝦切開一截截，然之後放好多鹹蛋黃喺入面。務求令到成隻蝦都係充滿鹹蛋黃嘅香味。😋😋😋😋但我覺得最吸引我嘅都係睇住廚師，用佢好專業嘅都刀工去切開隻虎蝦再釀鹹蛋黃入去。真係超吸引！