元祖沾麵專門店

Open Now

Now Closed

今日放假，出左尖沙咀拍拖，諗住買傢俬，行行下就肚餓，緊係去搵野食啦。經過厚福街，入去睇下先，見到呢間叫元祖沾麵既餐廳，門口竟然有人排隊，就決定食呢間😂入面好多人食緊，個個客人都擺出一個好開心既食相，應該會好好味👍🏻👍🏻等左一陣位，終於可以坐低了，睇一睇餐牌，就即刻點餐，因為好肚餓了😂😂我地點左兩樣野食，極上芝士海膽沾麵 同埋 豚玉魚介占麵。因為制作需時，所以要等一下，等既時候，睇下個食法教學先。先放入青檸檬汁，再將麵放入湯中浸一下就食得，最後可以叫店員加木魚湯，就咁入埋啲湯。👍🏻👍🏻終於上菜啦先上既係海膽，勁新鮮，入口鮮甜，非常美味👍🏻個芝士湯，熱辣辣，將啲麵放入去浸一浸先食，一流。啲麵係凍既關係，會發現啲芝士湯沾滿啲麵，入口好濃既芝士味，好好味，好味指數⭐️⭐️⭐️⭐️另外一個豚玉魚介都上菜，同樣地個魚介湯熱辣辣👍🏻呢個一麵我覺得都好味，個湯吾太濃，加埋麵食，岩岩好。如果鍾意食芝士同海膽既朋友，我極力推介一定要試極上芝士果個。