天勝

Open Now

Now Closed

今日一人行去左銅鑼灣食飯，記得亨利中心2樓開左新的日式餐廳，記得上幾手都是經營日本餐廳，今日來到新餐廳都想一試其實力。午餐餐牌價錢中上合理，餐廳有濃濃日本風味。我叫左滑蛋黑豚鍋定食。包括前菜、菠菜木魚、茶碗蒸。沙律菜配上油醋汁，酸酸甜甜非常開胃，蔬菜爽脆新鮮，喜歡菠菜木魚，清新菠菜配上咸香醬汁。蒸蛋滑溜非常，清甜雞蛋令人回味。原個鐵鍋有滾滾滑蛋黑豚，豬排軟腍鬆化，配上香甜醬汁和滑蛋，加入大量洋蔥，配白飯非常滋味。甜品是雪梨。