Video
Read full review
2021-07-21
84 views
尖沙咀一向食肆臨立，差不多每月都有新餐廳開張。而最近又俾我發現呢間新開無耐，由日藉廚師主理嘅鐵板燒，咁就當然唔可以錯過啦。所以趁LUNCH打黎BOOK位，一放工就捉埋同事過黎會一會佢。前菜三小點—炸海膽紫菜卷／一口板燒豆腐／醬漬八爪魚。三款都十分開胃，酥脆嘅紫菜海膽除咗鎖住海膽嘅鮮甜，食落仲有啲似醬油燒餅，哈哈。而嫰滑豆腐同八爪魚仔就咸甜咸甜咁，為今餐打開食慾。極上刺身—帶子／三文魚／赤身／甜蝦。四款刺身都十分鮮甜，厚身魚肉食落口感更滿足。甜蝦綿滑，如果多返幾隻就好了。本身應該係季節時令生蠔，但師傅話今日來貨品質唔夠靚，所以轉咗做海膽。海膽入口質感幼滑，鮮味及奶香充斥整個口腔，十分開胃。雖然無得食生蠔有啲可惜，但師傅對品質嘅堅持更值得尊重，為食客帶來最好嘅享受。鐵板燒鮮活南非鮑魚。鮑魚質感介乎腍同爽之間，火候拿捏得恰到好處。海藻醬汁襯托出鮑魚獨特嘅貝殼類鮮味，又唔會太濃而搶去鮑魚嘅味道。香辣大蝦沙律。一開始見師傅熟練咁將大蝦去頭拆殼，再以料理酒除腥提鮮，半煎半焗咁烹調，跟住師傅再將一啲牛油／蒜蓉及辣椒爆香再加入醬油煮成秘製辣油，淋上沙律上面。過程一氣呵成足見功架十足。鐵板燒除咗食物，師
所以趁LUNCH打黎BOOK位，一放工就捉埋同事過黎會一會佢。
前菜三小點
3 views
0 likes
0 comments
前菜三小點—炸海膽紫菜卷／一口板燒豆腐／醬漬八爪魚。三款都十分開胃，酥脆嘅紫菜海膽除咗鎖住海膽嘅鮮甜，食落仲有啲似醬油燒餅，哈哈。而嫰滑豆腐同八爪魚仔就咸甜咸甜咁，為今餐打開食慾。
極上刺身
2 views
0 likes
0 comments
時令海膽
6 views
0 likes
0 comments
鐵板燒鮮活南非鮑魚
0 views
0 likes
0 comments
海藻醬汁襯托出鮑魚獨特嘅貝殼類鮮味，又唔會太濃而搶去鮑魚嘅味道。
香辣大蝦沙律
4 views
0 likes
0 comments
蝦肉熟度啱啱好，肉質彈牙爽甜加上香辣蒜油，配埋其中嘅檸檬汁感覺有啲似泰式辣蝦嘅風味。十分醒胃。
食主菜之前先有個清爽嘅白桃雪葩洗涮一下味蕾，淡淡桃香將之前嘅香辣口感一掃而空。
鮮活龍蝦。龍蝦先開邊，再以牛油及料理酒煎焗而成，師傅再以龍蝦膏加上奶油煮成醬汁。整道菜就係食龍蝦嘅鮮同甜。
鮮活龍蝦
2 views
0 likes
0 comments
三文魚子海膽茶碗蒸
5 views
0 likes
0 comments
當中嘅香芹更令蒸完嘅海膽咸鮮味更突出。
A5宮崎和牛西冷。師傅先爆香牛脂，做成豬油渣咁提升香味。再將煸出黎嘅油份黎煎封和牛，單單係煎嘅嗰下已經聞到和牛嘅肉香四散。和牛油花豐富，油份充足所以三成熟就最啱食，粉嫰肉質配上少少岩鹽，入口嘅肉香油香已經足夠享受。
味噌沾醬
2 views
0 likes
0 comments
再點上三款蘸醬各有特色，亦都帶出和牛嘅唔同味道，最鐘意係中間嘅味噌汁，發酵嘅豆香同和牛出奇地夾，食落惹味之餘又咸香又減輕咗和牛嘅油膩感。十分推薦。
伴碟嘅日本野菜有露荀／蓮藕／南瓜及花菇，當中露荀十分爽脆甘甜，煮到啱啱斷生，所以保持到水份同脆度。南瓜同蓮藕都幾甜，而香脆蒜片除咗乾身，味道仲可以中和返食完和牛嘅飽滯感。唔錯。
櫻花炒飯
3 views
0 likes
0 comments
之後再加入高湯做成茶漬飯，真係飽到捧住個肚。
味噌湯
4 views
0 likes
0 comments
柚子雪葩
0 views
0 likes
0 comments
同場加映，有食客慶祝生日就預訂咗個火焰雪糕多士。第一次見用鐵板燒形式做雪糕甜品。師傅呢下真係打卡一流。
Post
