深宵食堂

Open Now

Now Closed

前兩日約咗朋友去位於旺角嘅深宵食堂食晚飯。串燒：串燒方面我哋叫咗豚肉蘆筍卷、煙肉荔枝卷、厚燒牛舌同鹽燒雞軟骨。豚肉蘆筍卷入面嘅蘆筍好爽脆、好多汁；煙肉荔枝卷嘅荔枝好大粒，配搭煙肉一齊食可以解煙肉嘅膩；厚燒牛舌真係好厚，好有嚼勁；而鹽燒雞軟骨就好爽脆～炸物：我地叫咗炸芝士蝦球同炸魷魚。炸芝士蝦球入面嘅蝦肉紮實彈牙，芝士更添香味。炸魷魚份量多，而且十分爽脆！主食：因為我地都叫咗好多串燒同炸物，所以我地主食淨係叫咗黑松露炒烏冬。依個主食一送到就聞到好香嘅黑松露，食落都係啖啖黑松露嘅香味！而且烏冬硬度適中，口感不錯。