灘五郷

Open Now

Now Closed

經過灣仔船街見到開咗一間新居酒屋。佢哋好熱情介紹餐單，就俾個機會入去食個午餐。午餐選擇都多，有刺身、有熟食、有串燒，見到佢個蒲燒鰻魚係即燒，仲有等20分鐘就知道佢新鮮。午餐都幾多嘢食，有沙律、茶碗蒸、腌菜、味噌湯。幾鍾意佢哋個通粉沙律，茶碗蒸都做得唔錯。等咗10零分鐘，播鰻魚飯終於上台。嗰盒飯都幾大盒，入面就鋪住咗原條鰻魚。喺鰻魚底就係飯，有啲紫菜碎同埋鰻魚汁。就咁食已經夠味。鰻魚佢燒到卜卜脆，但係肉質非常之腍，筷子一夾就斷。鰻魚都係算肥，連埋飯一齊食就好惹味。可以加少少山椒粉落去等佢冇咁油膩。而家天氣凍坐喺佢哋對住街嗰啲位應該都幾舒服。