Video
Read full review
2021-07-01
189 views
知道中環威靈頓街有一間好出名既拉麵店「立体派」，拉麵店有兩位來自日本既大人物，林隆臣和松村貴大，喺日本拉麵界都好犀利同出名，所以一直都好想黎食。今日難得放假，終於扚起心肝，同女朋友黎試試佢地既拉麵！ 餐廳裝潢好有日本既Style，外面就畫左啲好靚既壁畫，食拉麵之餘仲可以打卡影相，真係無得彈! 我地2個人一人叫左一個拉麵，一個小食同埋2支野飲。 特級白湯(大) 佢一上枱真係嚇親我，個碗勁大個!!!擺盤非常靚，佢有3塊叉燒、1隻蛋、筍同蔥。 -湯底有濃郁既雞味，而且唔會太油膩； -麵條係幼身既，煮到軟硬適中，質地彈牙。 -叉燒周圍醃左小小黑椒，輕微燒焦過，食落燒過既黑椒香味，因為佢無落過重既調味，突顯到叉燒本身既豬肉香。 -溏心蛋醬油味醃得入味，甜甜地，蛋黃流心，做得好出色。 -筍有鹹香，較出面拉麵鋪食到既入味好爽脆。 極上芫荽醬油湯拉麵 佢係芫荽上放左辣椒乾，紅綠對比既擺盤好搶眼。 -湯底方面，清甜、有淡淡醬油鹹香加芫荽香，我呢個“芫荽控”好鍾意!!-芫荽份量勁多，每塊芫荽都大大塊，好新鮮，所以味道清新~ -麵條同樣彈牙，叉燒有肉香，筍同樣爽脆~ 自家製餃子 一碟有5隻，俾左豉油同辣椒油
餐廳裝潢好有日本既Style，外面就畫左啲好靚既壁畫，食拉麵之餘仲可以打卡影相，真係無得彈!
我地2個人一人叫左一個拉麵，一個小食同埋2支野飲。
特級白湯(大)
特級白湯(大)
$118
89 views
0 likes
0 comments
佢一上枱真係嚇親我，個碗勁大個!!!擺盤非常靚，佢有3塊叉燒、1隻蛋、筍同蔥。
-湯底有濃郁既雞味，而且唔會太油膩；
-麵條係幼身既，煮到軟硬適中，質地彈牙。
-叉燒周圍醃左小小黑椒，輕微燒焦過，食落燒過既黑椒香味，因為佢無落過重既調味，突顯到叉燒本身既豬肉香。
-溏心蛋醬油味醃得入味，甜甜地，蛋黃流心，做得好出色。
-筍有鹹香，較出面拉麵鋪食到既入味好爽脆。
極上芫荽醬油湯拉麵
極上芫荽醬油湯拉麵
$108
9 views
0 likes
0 comments
佢係芫荽上放左辣椒乾，紅綠對比既擺盤好搶眼。
-湯底方面，清甜、有淡淡醬油鹹香加芫荽香，我呢個“芫荽控”好鍾意!!
-芫荽份量勁多，每塊芫荽都大大塊，好新鮮，所以味道清新~
-麵條同樣彈牙，叉燒有肉香，筍同樣爽脆~
自家製餃子
自家製餃子
$48
13 views
0 likes
0 comments
一碟有5隻，俾左豉油同辣椒油2種醬料選擇。
-餃子煎得香脆，入面包左豬肉同椰菜，食落皮薄有油香。
飲品
16 views
0 likes
0 comments
-烏龍茶，味道正常，配搭濃味既拉麵岩岩好。
-波子汽水，都係平時見到既牌子，好飲~
呢間拉麵鋪食物質素真係好高，不愧係經驗豐富既過江龍!! 今次食得好滿意，食得出佢地湯底花左好多時間同心機熬製，食物調味都好到位，唔會搶左食材本身既原味。遲啲有機會一定要再黎食埋其他款式既拉麵!!
Post
