瀧

Open Now

Now Closed

一聽到係日本同事好介紹嘅地方，真係要去試下。Book到個四個人窗口位。今次我哋試呢個午餐二重奏係包括兩款嘅主食， 第一款呢就揀咗溫泉蛋+ 北海道松葉蟹 蟹肉飯; 第二款就揀咗 天婦羅蕎麥麵。始終冬天係食蟹嘅季節，難得lunch有得食蟹肉真係唔好錯過另外 ，本店嘅signature 就係天婦羅, 所以點可以唔試下。欣賞個天婦羅係唔油， 同埋最主要係 天婦羅嗰個皮唔會搶曬蝦嘅味道. 當然啦因為每個位都有三種唔同嘅 配合天婦羅 去食既 調味鹽同埋 蘿蔔絲， 所以如果覺得唔夠味，就可以自己加味。最後原來個餐仲跟甜品嘅，如果鍾意食朱古力嘅朋友就啱曬啦， 送埋碗湯同埋杯綠茶，，飲完食完又係時候返工嚕。