赤山風味料理 (Closed)

住新蒲崗嘅朋友帶我去試一間懷舊嘅日式餐廳，餐廳裝修似日本嘅居酒屋，時光倒退七十年。黃金蝦卷有青瓜、大隻甜蝦、紫菜、飯卷埋。甜蝦係炸過嘅天婦羅，皮簿好好食。加左海膽係上面，口感更加豐富。海膽有厚厚嘅冰鋪低，以致海膽係凍冰冰。海膽顔色金黃好吸引，推廣價$48炸！海膽入口甘甜唔腥，用紫菜包住食外脆內軟，好新鮮。海鮮鍋入面有有青口、魷魚圈、鮑片、大蝦、蟹柳、金針菇同冬菇等好多料，湯底有好香嘅魚味。勁推薦！薯粉好稔身有口感，魷魚圈同蝦好爽口，下面仲鋪左好多蔬菜。刺身飯材料好多鋪滿面。有厚切三文魚腩、帶頭赤蝦 、三文魚籽、金黃海膽同帶子，味道鮮甜。飯都夠多，足夠2個女仔share，將d飯撈埋三文魚籽、海膽一齊食，入口有海膽嘅甘甜三文魚籽嘅粒粒口感，好特別。西京比目魚上碟攞得好靚，有沙律醬可以點。比目魚M字型係碟到，煎得岩岩好，表層有小小燶，入口即融食落唔會太老。火炙三文魚腩壽司長長嘅三文魚腩好吸引，油脂分泌平均。燒得岩岩好，入口即融帶有小小燒味。面層有小小鹹鹹地，幾好食。