八沢 (Closed)

肚餓餓，想喺上環食日本餐都唔一定要貴嘅，嚟咗呢間滿有日本情懷嘅八沢日本餐廳，呢度主要係食麵類同串燒為主，地方雖然唔大但係裝修得十分精緻，場上仲印咗大大隻柴犬，唔講真係以為置身於日本丫。頭盤點左牛舌、小牛排、雞腎，師傅手勢燒得剛剛好，鎖住肉汁，食落唔會乾。麵就order咗黑蒜油炙燒豚肉拉麵、煙三文魚冷烏冬。拉麵好得意煮完即起，我都係第一次食拉麵食得咁特別，濃厚嘅黑蒜味啱晒我心水。而煙三文魚冷烏冬就用咗麻醬撈，睇相就見到有幾多三文魚，嘩！正呀！啱晒而家熱辣辣嘅夏天食。