Video
Read full review
2023-11-28
54 views
和室設計，中意呢度裝修簡約，牆身有各種酒樽做裝飾！👉🏻元氣蒜頭漬 $38作為前菜佢好惹味，有蒜頭味得來又唔會好攻鼻，即使平時唔食蒜頭嘅人都忍唔住一食再食！👉🏻鹹蛋蟹羔玉子燒 $88玉子燒口感好似疏乎厘咁，入口軟綿綿，加上中間極濃味嘅蟹膏，令人忍唔住講一聲「うまい」！ 下次一定返嚟再食！👉🏻南蠻炸雞 $78勁大碟炸雞，脆得嚟又Juicy，加上本身已經調咗味，少少酸味味，食多幾件都唔會滯！👉🏻醬汁燒豚肉串 $48豚肉燒得啱啱好，唔會韌，加埋醬汁好惹味！👉🏻青森青提豚肉卷 $48平時都係包車厘茄，估唔到包青提有幾夾，小小嘅甜味加上豚肉，令人一食上癮！👉🏻赤雞肉香葱卷 $32食串燒一定要食香蔥！唔會燒到好乾，咬落仲有汁，連埋雞肉一齊食！👉🏻薯上白雪 $58凍冰冰嘅雲呢拿牛奶雪糕，放喺熱辣辣嘅日本番薯上面，一冷一熱，冰火交融，兩種唔同嘅甜味一齊沖擊你嘅口腔，為呢個短暫嘅日本美食之旅畫上完美嘅句號！👉🏻秘制半熟鰹魚他他 $118一片片薄薄地嘅鰹魚，連埋醃製過嘅蔬菜絲，一齊放落口，酸酸地又食得出鰹魚嘅香味，好開胃！👉🏻明太子油揚豆腐 $88外脆內軟，上面仲有蔥絲調味！👉🏻蟹肉蟹羔甲羅燒丼 $128一
👉🏻元氣蒜頭漬 $38
作為前菜佢好惹味，有蒜頭味得來又唔會好攻鼻，即使平時唔食蒜頭嘅人都忍唔住一食再食！
👉🏻鹹蛋蟹羔玉子燒 $88
玉子燒口感好似疏乎厘咁，入口軟綿綿，加上中間極濃味嘅蟹膏，令人忍唔住講一聲「うまい」！ 下次一定返嚟再食！
👉🏻南蠻炸雞 $78
勁大碟炸雞，脆得嚟又Juicy，加上本身已經調咗味，少少酸味味，食多幾件都唔會滯！
👉🏻醬汁燒豚肉串 $48
豚肉燒得啱啱好，唔會韌，加埋醬汁好惹味！
👉🏻青森青提豚肉卷 $48
平時都係包車厘茄，估唔到包青提有幾夾，小小嘅甜味加上豚肉，令人一食上癮！
👉🏻赤雞肉香葱卷 $32
食串燒一定要食香蔥！唔會燒到好乾，咬落仲有汁，連埋雞肉一齊食！
👉🏻薯上白雪 $58
凍冰冰嘅雲呢拿牛奶雪糕，放喺熱辣辣嘅日本番薯上面，一冷一熱，冰火交融，兩種唔同嘅甜味一齊沖擊你嘅口腔，為呢個短暫嘅日本美食之旅畫上完美嘅句號！
👉🏻秘制半熟鰹魚他他 $118
一片片薄薄地嘅鰹魚，連埋醃製過嘅蔬菜絲，一齊放落口，酸酸地又食得出鰹魚嘅香味，好開胃！
👉🏻明太子油揚豆腐 $88
外脆內軟，上面仲有蔥絲調味！
👉🏻蟹肉蟹羔甲羅燒丼 $128
一上枱，就知道呢個係打卡名物，擺得好靚！但為咗食都係要破壞佢嘅美感，撈勻佢，入口有櫻花蝦嘅脆卜卜，又有蟹肉蟹膏嘅美味，多重享受，而且都幾大碗好飽肚！
👉🏻黑松露芝士燒蠔 $88
兩大隻燒蠔，熱辣辣上枱，滿佈芝士勁吸引，加埋黑松露勁豐富！一食落口，蠔嘅鮮味出晒嚟，加上其他配料，多層次享受！
👉🏻「素」月見免治素肉棒 $38
首先要將隻蛋發均，然後再將素肉棒點落去食。口感幾得意，有啲似好彈牙嘅肉丸，連埋個醬汁，好特別！
Post
